Socialne ministerstwo zawrjenju porodźernje njezadźěwa
Drježdźany/Kamjenc (SN/MiR). Ručež bě ministerstwo za socialne, strowotu a towaršnostnu zhromadnosć (SMS) Sakskeje 24. apryla wo tym zhoniło, zo chce Kamjenska chorownja swj. Jana porodźernju a gynekologiju zawrěć, je wone započało analyzować, kak hodźi so zastaranje zawěsćić. To zdźěli rěčnica ministerstwa Juliane Morgenroth na naprašowanje Serbskich Nowin. Wosebje su měnliwu docpějomnosć a zwólniwosć wokolnych chorownjow k přewzaću porodźacych kaž tež pacientkow gynekologije pruwowali. Na to stej ćežišćowej zastaraćelej, Wojerowski klinikum Łužiska jězorina a Budyski klinikum Hornja Łužica, zdźěliłoj, zo móhli w padźe zawrjenja zastaranje přewzać.
Po Lipsku a Kamjencu staj wudawaćel a přełožowar Friedrich Pollack ze Serbskeho instituta a lektor Ludoweho nakładnistwa Domowina Michał Nuk knihu „Von Kamenz nach Palästina“ nětko tež w Budyšinje předstajiłoj.Budyšin (CS/SN). Friedrich Pollack a Michał Nuk předčitaštaj wčera w Smolerjec kniharni někotre pasaže z knihi Jurja Wićaza „Von Kamenz nach Palästina“. Z mysličku, zo „měła so twórba na kóždy pad šěrokej zjawnosći přistupnić“, bě so Pollack do přełožka dał. Wšako su pućowanske rozprawy Wićaza „žiwe, zabawne a druhdy samo chětro aktualne“. Hačrunjež su reportaže hłownje z 1930tych a 1940tych lět, wotbłyšćowachu so konflikty na Bliskim wuchodźe hižo tehdy. „Smalacy reporter“, kotremuž tež „serbski Egon Erwin Kisch“ rěkaja, bě w nadawku čěskeje powěsćernje po puću a dyrbješe po postupje nacijow přez Juhosłowjansku, Bołharsku a Turkowsku přeco dale na juh ćěkać, štož jeho skónčnje hač do Palestiny wjedźeše. ...
Dumpersportsezona startujeZazběhowe wubědźowanje Němskich dumperowych mišterstwow (DDM) přewjedźe so jutře w Adelsdorfje na ležownosći swójby Wallberg. Wot 10 hodź. je přijězd móžny, wot 14 hodź. přewjedźe so techniske přepruwowanje dumperow a wot 15.30 hodź. kwalifikaciski běh. Před wulkim 1. lětušim hódnoćenskim běhom DDM we 18.30 hodź. změja w Adelsdorfje tež wubědźowanje za dźěći z Liliputami.30.05.26 18:30 Adelsdorf13.06.26 14:00 Bad Freienwalde12.07.26 14:00 Baćoń02.08.26 14:00 Hórki05.09.26 14:00 RamnowKopańca w Delanach a HorjanachW Chrósćicach kaž tež w Ralbicach přewjedźetej so jutře a zajutřišim stajnje dwě hrě. We wokrjesnej klasy stafla dwaj hraje sobotu prěni tabulki přećiwo druhemu. K načolnikej do Wachauwa pojědźe prěnje koparske mustwo Sportoweje jednotki Njebjelčicy. Njebjelčenjo maja štyri hrajne dny do kónca šěsć dypkow zastatka a z tym hišće teoretisku móžnosć sobu wo postup do wokrjesneje ligi hrać. Za to pak by mustwo trenarja Daniela Pohlinga we Wachauwje pola ...
Z direktnym zwiskom z Drježdźan do Bozena a Merana sej wulećećWot decembra eksistuje nowa a přijomna móžnosć, Južny Tirol spěšnje docpěć: direktny zwisk z lětadłom mjez Drježdźanami a Bozenom. Runje dowolnikam z Łužicy je to atraktiwna alternatiwa k dołhej awtowej jězbje na juh. Město dźewjeć hodźin po dróze móžeš nětko wotputany w běhu połdra hodźiny Južny Tirol docpěć. To so samo za krótki dowol přez kónc tydźenja jara derje hodźi.Južny Tirol přihódnje wotkryćJužny Tirol słuša ke kónčinam Italskeje, kotrež su chětro mnohostronske. Mediterany flair wobdawa tule wulke horiny, šarmantne města a wuběrnu infrastrukturu. Wosebje přihódnje je, zo su mnohe městnosće wuběrnje z busom a železnicu docpějomne. Tak hodźi so region tež bjez awta wotkryć.Idealny cil wot Bozena je město Meran, kotrež dowolnikow z historiskimi chódbami za nakupowanje, derje hladanymi promenadami, mediteranej wegetaciju a panoramami horow wabi. Z Bozena do Merana dojědźeš sej z direktnym regionalnym ćahom w něhdźe ...
Za měr a přirodu kaž tež přećiwo wobrónjenju je dźensa dopołdnja něhdźe 120 aktiwistow w sewjernorynsko-westfalskim Mülheimje před wrotami brónjenskeho předewzaća KNDS protestowało. Ze swojej akciju chcychu tež na produkciju wocla za wójnske nastroje skedźbnić, kotraž wulkeho mnóstwa nastawaceho wuhlikoweho dioksyda dla klimje jara škodźi. Foto: dpa/Henning Kaiser
Festiwal ze serbskimi filmamiBudyšin. We wobłuku 23. Nysoweho filmoweho festiwala pokazaja dźensa wječor, 29. meje, w 19 hodź. w Budyskim Kamjentnym domje serbske filmy. Pod hesłom „Woda a wizije“ předstaja zhudźbnjenje tragiskeje groteski „Die wendische Schiffahrt“. „Serbska utopija 3“ pokaza Łužicu po zakónčenju wudobywanja wuhla. Film „Jako šće wódni mužojo běchu“ poskitk na sćěnowinje skulojći. Zastup płaći wosom, potuńšeny pjeć eurow.Zahaja nowu sezonuBudyšin. Z Budyskim nalěćom zahaja dźensa we 18. hodź. sezonu w Budyskej barje Sundowner. DJ Ju von Dölschen přewodźa z dobrej hudźbnej naladu hosći prěnjeho wječora na „najrjeńšim balkonje Budyšina“. Wopytowarjam kiwa „wotpinaca hudźba w přewšo přijomnej atmosferje“. Zastup je darmotny. Jutře wotměje so na samsnym městnje w 16 hodź. 1. Budyske mejemjetanje.Prezentuja tež serbske comicsy
Wotrow (SN/MWj). Gmejna Pančicy-Kukow dyrbi so we Wotrowje nuznje wo to starać, zo by tam stajnje dosć hašenskeje wody było. Z tuchwilnym hašenskim hatom na sewjernej kromje wsy to hižo zaručene njeje. Hat drje stajnje zaso wurjedźa, ale do njeho hižo dosć wody njećeče. Tohodla měješe inženjerski běrow Petera Linke z Kinsporka nadawk, přirunować wjacore warianty, kak hašensku wodu najlěpje zaručeć. Te je wón wčera gmejnskim radźićelam na jich posedźenju předstajił.Po jeho słowach trjebaja we Wotrowje hladajo na ličbu wobydlerjow a twarjenjow něhdźe 200 kubiknych metrow hašenskeje wody, a to wobstajnje 365 dnjow wob lěto. Runje to je w tuchwilnym haće najwjetši problem, byrnjež wón wulki dosć był. Za něhdźe 100 000 eurow hodźał so hat ponowić, tak planowar rozłoži. Druha warianta je podzemska cisterna. Tajka móhła so z betonowych dźělow runje tak twarić kaž z kumštneje maćizny. To pak něhdźe dwójce telko płaći.
Budyšin (SN/MiR). We wobłuku 23. Nysoweho filmoweho festiwala wuhotuje serbsko-němska syć Łužycafilm swoje nalětnje zetkanje. Dźensa su w rumnosćach towarstwa Dźěłan dźeń na Budyskej Sukelnskej z dźěłarničku pod hesłom „Film-dźiwadło, dźiwadło-film – jedyn puć k serbskemu filmej?“ zahajili. Čłonka syće a moderatorka dźěłarnički Cosima Stracke-Nawka hladajo na program rozłoži, zo „so za tym prašamy, kotre perspektiwy serbski film ma. Kotru rólu hraje přichodnje kumštna inteligenca při zwobraznjenju idejow, kotrež su kreatiwni wuwili? Prěni film ze serbskej temu, kotryž je z pomocu KI nastał, dźě hižo dźensa w Kamjentnym domje předstajimy.“ Ćežišćo workshopa twori rozestajenje wo tym, kak je móžno, nowe temy za jewišćo namakać, kak hodźeli so tworić a kotry potencial w nich tči. Mjez wočakowanymi wobdźělnikami je režiserka a awtorka dźiwadłowych hrow Esther Undisz, kotraž chce z dalšimi entuziastam serbskeho filma na prašenja wotmołwić. Jutře, 30. meje, pokročuje zetkanje w Zhorjelcu, mj ...
Vanessa Žurec„To je tola jenož naš praktikant.“ Sada, kotraž so husto připódla praji – a přiwšěm wjele wo dźěłowym swěće přeradźi. Přetož za tutym pozdatnje njestrašnym hrónčkom tči často realita, kotruž mnozy młodźi ludźo přederje znaja: Pobrachowace česćenje, špatne zapłaćenje a dźěło, kotrež ma mało z wuknjenjom činić. Poprawom praktikum orientaciji słuži. Šulerki a šulerjo maja prěnje dohlady do powołanjow dóstać, studowacy praktiske nazhonjenja zběrać a wuslědźić, hač so jim woleny puć woprawdźe hodźi. Praktikum měł drje městno wuknjenja być a nic synonym za darmotnu dźěłowu pomoc. Tola realita často hinaša wupada. Praktikanća přewozmu połnočasowe nadawki, dźěłaja pod wysokim ćišćom, činja nadhodźiny a njedóstanu za to druhdy ani přiměrjene zarunanje. Město toho zo so spěchuja, steja mnozy při ćišćaku, warja kofej abo spjelnjeja nadawki, kotrež hewak nichtó činić nochce. Wosebje problematiske potom budźe, hdyž dyrbja młodźi ludźo po wotzamknjenym studiju měsacy dołho njepłaćeni d ...
