Fólkatingið

Fólkatingið er parlamentið í Danmark. Høvuðsuppgávurnar hjá Fólkatinginum eru at viðgera lógaruppskot og samtykkja landsins lógir, hava eftirlit við stjórnini og samtykkja árligu fíggjarætlanina hjá stjórnini (fíggjarlógina).

Tað er í tingsalinum, at tingfólkini kjakast um politikk, og tað er har, tey atkvøða um, hvørt eitt lógaruppskot skal samtykkjast og gerast til eina nýggja lóg. Men tað er í nevndunum hjá Fólkatinginum, at avgerðirnar verða fyrireikaðar.

Grundlógin er stjórnarskipanin hjá Danmark. Hon lýsir m.a. skipanina av fólkaræðinum, rættindi og skyldur borgaranna og valdstríbýtið.