sona pi sama lon

mun sike pimeja tu li tawa sike li kama wan. sona ni li toki e ni: mun pimeja ni li ken lon.

sona pi sama lon li sona suli tu tan jan Ape Ansan. ona li toki e tawa pi ijo suli sama mun, li toki e ijo pi tawa suli sama suno. sona tu ni li suli a tawa sona mun. nimi ona li toki e ni: tawa jan li awen sama la, tawa ale li lon nasin sama.

toki tan sona ni li ken nasa mute tawa jan. pilin pi jan mute la, tenpo li sama tawa jan ale. taso, sona ni la, tenpo li ken ante tawa jan ante. ken la, ijo tu li lon tenpo sama tawa sina li lon tenpo ante tawa jan ante.

sona lili pi sama lon

jan Ansan li toki e ni lon lipu lon sike 1905. ale ni li tan lon pi wile noka tu:

jan lukin li tawa pi ante ala la, nasin pi tawa ijo li sama.
suno li tawa pi suli sama tawa jan ale. jan lukin li ken tawa ante kin, taso, suli pi tawa suno li awen sama.

tan toki tu ni, jan li kama sona e ni:

tenpo wan pi jan wan li ken tenpo tu pi jan ante. ni li ken: ijo tu li lon tenpo wan tawa jan wan li lon tenpo tu tawa jan ante.
tenpo pi ijo tawa li tawa lili. ijo li tawa lon lukin jan la, tenpo ona li tawa lili.
sijelo pi ijo tawa li kama lipu. ijo li tawa lon lukin jan la, suli ona li kama lili lon nasin tawa ona.
tawa ale li ken ala suli tawa tawa suno. ijo lon, en toki, en sona li ken ala tawa suli tawa suno.
- kin la, wile tawa pi ijo suli li ken ala tawa suli.
sijelo ijo en wawa ijo li ijo wan sama. jan mute li sona e sitelen ni pi jan Ansan: $E=mc^{2}$ . sitelen li toki e ni: wawa ijo li tan sijelo ona.

sona suli pi sama lon

jan Ansan li toki e ni lon lipu lon sike 1915. jan Ansan li pali e sona ni la, ona li open tan wile ni:

jan wan li lon tomo lon ma.
jan ante li lon tomo lon sewi pimeja; tomo li tawa sewi li awen kama tawa suli.
jan tu ni la, nasin pi tawa ijo li sama. ona li ken ala lukin lon weka tomo la, ona li ken ala sona e ni: mi lon ma anu sewi anu seme?

tan ni la, jan li tawa anpa lon sewi la, tawa ona li tawa pi ante ala. kin la, tenpo en ma li ken ala tu; ona li ijo wan li ken sama sike tawa lukin. kin la, ijo ni li lon:

ijo li lon poka pi ijo suli la, tenpo ona li tawa lili. lon sike ma la, ilo tenpo li lon ma sewi la, tenpo ona li tawa suli.
sike pi tawa mun li tawa sike sama ala toki pi tenpo pini. jan li kama sona e ni tan mun Mekuliju.
nasin pi tawa suno li ken kama ante tan ijo suli.
ijo suli li tawa sike la, ona li pana e tawa sike tawa ijo poka.
ale pi sewi pimeja li awen kama suli. tan ni la, kulupu mun li weka tawa mi la, suno ona li kama loje lili.