Ci es li traduction del canzon “Angela” ex li film “Sleepaway Camp”. Li canzon es cantat de Frankie Vinci. Angela es li tragic heroá del film. Li patre e li fratre Peter de Angela esset mortat in un accidente e ella habita che su tanta e su cusino. Ella es tre timid e parla poc. Su tanta invia la con su cusino in un tipic american camp por passar li scol-vacanties in li estive. It es li unesim vez por Angela esser in tal camp. Angela deveni rapidmen li scope del mocada in li camp. Ma plu e plu homes queles hat mocat la es mortat. In li fine on descovri que Angela esset li mortatora. In veritá ne li púer ma li puella esset mortat in accidente del familie. Su tanta fortiat Peter viver quam un puella pro que ella sempre volet haver un filia e ja have un filio. Angela/Peter devet acceptar to, ma nu in li camp li trauma devenit evident e ella mortat li persones qui ha mocat la in li camp. Li unesim victime es li pedofil cocinero del camp, qui molestat Angela sexualmen. Ti molestation apertet li trauma de Angela e transforma la in un serie-mortatora. Un tal exact caracteristica del serie-mortator es tre rar in horror-filmes e on ne save ca on deve haver misericordie o odie contra Angela/Peter. Angela anc es fortiat mortar li púer ella ama pro que il volet svimmar con ella e pro to ella ne posset tener li secrete de su ver biologie por se. Quande ella finalmen consenti a ear svimmar con il in li nocte, Angela a su amico dit: “Lass nos incontrar apu li litore pos li social reunion.” To frase decide li morte del púer. To frase devenit tre famosi in li Unit States de America e es sovente citat. Ci es li tre dulci canzon in li film por Angela traductet in Interlingue.

ANGELA

De Frankie Vinci ex li film „Sleepaway Camp“

Quande yo regarda in tui ocules,

It ne veni quam un surprise,
Que tu escapa secretmen,
Angie, tu es li amore de mi vive,
It es tant frigid in li nocte,
Yo suplica te restar.

Yo save que omnicos es un mascerade,
Yo save que tu ne time

Tu es exact to quo yo ha serchat,
Null altri púer posse ama te plu,
Tu es li sol puella quem yo adora.
Tu es exaxt to quo yo ha serchat.

Li témpor va reparar tui fractet cordie,
Ples ne fracassar,
Li veritá va restar intra,
Angie, yo ne vole lassar te forear,
Yo ne vole far les saver,
Li dolore quel tu deve ocultar.

Tu save que it es un grand charade,
o – o, o – o,
Yo save que tu ne time,
No, o – o, o – o.

Tu es exact to quo yo ha serchat,
Null altri púer posse ama te plu,
Tu es li sol puella quem yo adora.
Tu es exaxt to quo yo ha serchat.

Tu es exact to quo yo ha serchat,
exact to quo yo ha serchat.

Tu es exact to quo yo ha serchat,
exact to quo yo ha serchat,
exact to quo yo ha serchat.

Customalmen in li horror-filmes li serie-mortatores es mannes, demones o fantomes e puellas es sovente solmen li victimes.  Ante quelc dies yo hat regardat li serie de „Sleepaway Camp“ filmes. In ti-ci filmes li mortator es un puella, ma Angela es un special flicca. Ella esset un púer, ma pos li morte de su patre su tanta ha fortiat la (o le) li identitá de su anc mortat sestra.  In li pubertá ti conflicte erupte e Angela (Peter) devenit un mass-mortator por venjantie al persones qui moca la.  Pos un operation e psichic terapie Angela (ex-Peter) es nu anc biologicmen un fémina e labora in un camp por infantes.  Naturalmen li old conflictes eruptet denov. Ma Angela juit su nov rol e in li sequent video ella canta con quelc infantes „Li felici campero canzon“.  In ti-ci film li sestra del cantator Bruce Springsteen, Pamela Springsteen, ludet Angela. Ci es li traduction del „felici campero canzon“ in Interlingue.

(In li video Angela dit „Ne oblivia li movementes con li manus“ al du puellas Mollie e Alison)

LI FELICI CAMPERO CANZON

(ex li horror-film Sleepaway Camp 2)

1. Yo es un felici campero,

Yo ama li sole de estive,

Yo ama li árbores e li forest.

Yo have sempre gaudie.

2. Yo es un felici campero,

Yo ama li clar blu ciel,

E per li gracie de deo.

Yo va campar til yo es mort.“