Jeritza Vivas
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.| Jeritza Vivas | ||
|---|---|---|
| Imagen desea: Jeritza Vivas | ||
| Informashon básiko | ||
| Pais |  Kòrsou | |
| Informashon profeshonal | ||
| Aña aktivo | - presente | |
| Ofishi | bailarina, koreógrafo, dosente di baile | |
| Genero artístiko | baile tradishonal | |
| Distinshon | Premio Cola Debrot (2026) | |
| [Editá Wikidata] · [Manual] | ||
Jeritza Coromoto Vivas ta un bailarina, koreógrafo i dosente di baile di Kòrsou, spesialisá den baile folklóriko. E ta konosí pa su kontribushon na konservashon, desaroyo i transmishon di bailenan tradishonal di Kòrsou.
Bida i karera
[editá | editá fuente]Jeritza Vivas a nase komo promé yu di Nicolasa Leest i Bruno Aquiles Vivas. El a lanta huntu ku tres ruman.[1]
Den su karera, Vivas a traha komo bailarina, koreógrafo i instruktora, ku enfoke riba formashon di hóben i adulto den baile folklóriko. E ta fundadó i instruktora di skol di baile Ritmo Kultural Kòrsou, un institushon dediká na enseñansa di bailenan tradishonal, manera mazurka, wals, tumba, tambú, seú, salsa i montuno.[2]
E skol ta organisá evaluashon i presentashonnan públiko regularmente, kaminda studiantenan ta demostra baile folklóriko i tradishonal na komunidat.
Vivas ta eks-presidente i miembro di direktiva di Asosiashon Skolnan di Baile Kòrsou (SKOBA), un organisashon ku ta representá skolnan di baile riba e isla i ku tin komo meta pa promové i fortalesé baile tradishonal den un konteksto moderno.[3]
Komo empresario kultural el a kontribuí for di 2011 strukturalmente na sektor di baile folklóriko, entre otro pa medio di su trabou ku SKOBA i organisashon di evento i kompetensianan, loke a oumentá visibilidat di e arte.[4][5]
Banda di su trabou den baile, el a wòrdu nombrá na 2019 dor di Servisio pa Skolnan Públiko (DOS) komo direktor athunto pa enseñansa fundeshi na Maduroschool na Steenen Koraal.[6][7] Vivas tabata ademas aktivo den komunidat komo miembro di direktiva di Quota Club Kòrsou.
Rekonosementu
[editá | editá fuente]Na 2025, Vivas tabata un di e instruktoranan di baile honrá durante Siman di Kultura, un evento anual ku ta pone enfasis riba herensia kultural di Kòrsou.[8]
Na 2026, el a risibí e Premio Cola Debrot den e kategoria di baile, un di e rekonosementunan kultural mas altu na Kòrsou.[2] Segun e rapòrt di hurado, el a destaká pa su ròl komo edukadó i formadó di talento, kontribushon komo koreógrafo, su kapasidat organisatorio i aporte na koheshon sosial i identidat kultural.
Link eksterno
[editá | editá fuente]- Evaluashon di Skol di Baile "Ritmo kultural Kòrsou" (mazurka, Youtube (febrüari 2019)
Fuente, nota i/òf referensia
|