Johan Nygaardsvold

Johan Nygaardsvold
Biografia

Johan Nygaardsvold (1879-1952) foguèt primièr ministre de Norvègia entre 1935 e 1945 (en exili a Londres entre lo 9 d'abril de 1940 e lo 31 de mai de 1945).

Nygaardsvold trabalhèt dins l'industria de la fusta en Canadà e als Estats Units. Tornèt en Norvègia en 1907 e entrèt al Parlament lo primièr còp en 1916. Foguèt ministre de l'agricultura en 1928. En 1935 foguèt convidat a formar un nòu govèrn que foncionèt a Òslo fins al 9 d'abril de 1940, jorn de l'ocupacion alemanda. Nygaardsvold partiguèt a Londres, ont governèt en exili. Amb la fin de la Segonda Guèrra Mondiala, tornèt a Oslo lo 31 de mai de 1945. Lo 26 de junh del meteis an, demissionèt.

Demorèt en politica fins en 1949. En 1952 moriguèt del càncer.

Precedit per Johan Ludwig Mowinckel

Primièr ministre de Norvègia 20 de març de 1935 - 25 de junh de 1945

Seguit per Einar Gerhardsen