Dina Boluarte
| Dina Boluarte | |||
.jpg) | |||
| Fødd | 31. mai 1962 (64 år) Chalhuanca | ||
|---|---|---|---|
| Statsborgar av | Peru | ||
| Yrke | advokat, politikar, jurist | ||
| Institusjonar | National Registry of Identification and Civil Status | ||
| Utdanna ved | Universidad de San Martín de Porres | ||
| Alle verv |
| ||
Dina Ercilia Boluarte Zegarra (fødd 31. mai 1962) er ein peruansk advokat og politikar som blei president i Peru den 7. desember 2022. Boluarte er den fyrste kvinnelege presidenten i Peru. Ho tiltredde etter eit mislykka kuppforsøk av tidlegare president Pedro Castillo.[1]
Liv og virke
[endre | endre wikiteksten]Bakgrunn
[endre | endre wikiteksten]Boluarte blei fødd 31. mai 1962 i byen Chalhuanca i den peruanske regionen Apurímac. Som lita jente flytta ho med foreldra til hovudstaden Lima. Seinare studerte ho rettsvitskap ved Universidad de San Martín de Porres, og arbeidde som advokat.[2][3][4]
Ho budde i nokre år i Mexico, fram til ho i 2007 blei avdelingsleiar ved det peruanske folkeregisteret RENIEC (Registro Nacional de Identificación y Estado Civil).
Politikar
[endre | endre wikiteksten]I 2018 stilte ho som kandidat for partiet Perú Libertario (seinare kalla Perú Libre) ved borgarmeistervalet i Surquillo, men blei ikkje vald. Vel to år etter stilte ho med presidentkandidat Pedro Castillo som hans visepresidentkandidat. Dei vann, og den 29. juli 2021 tiltredde ho som visepresident.[2] Same dag gjorde Castillo henne dessutan til minister for utvikling og sosial inkludering i regjeringa si.[5]
I januar 2022 uttalte Boluarte i eit intervju med avisa La República at ho aldri hadde omfamna ideologien til Perú Libre. Generalsekretæren i partiet, Vladimir Cerrón, ekskluderte seinare Boluarte frå partiet[6] og skreiv på Twitter: «Alltid lojale, aldri forrædarar».
25. november 2022 trekte ho seg som minister for utvikling og sosial inkludering, men heldt fram med å vere visepresident.[7]
President
[endre | endre wikiteksten]I desember 2022 prøvde president Pedro Castillo å oppløysa parlamentet i Peru, og byrja å styra ved dekret.[1] Dette enda med at Castello blei avsett og arrestert, og det blei vedteke at Castillo skulle stillast for riksrett for kuppforsøk.
Dina Boluarte tiltredde då i stillinga som Perus president etter hendinga,[1] og er den første kvinnelege presidenten i landet.[8] I 2024 hadde Boluarte rekordlåg støtte frå berre 5 % av befolkninga, den lågaste oppsluttinga i historia til Peru.[9]
I den fyrste talen sin til parlamentet oppmoda ho om «nasjonalt samhald»,[1] og fordømde handlingane til Castillo.[10]
Kjelder
[endre | endre wikiteksten]- 1 2 3 4 NRK (8. desember 2022). «Peru får ny president etter at forgjengeren ble pågrepet». NRK (på norsk bokmål). Henta 8. desember 2022.
- 1 2 Dina Boluarte, la vicepresidenta que asume el Ministerio de Desarrollo e Inclusión Social [Perfil] (på spansk), GrupoRPP, 29. juli 2021, henta 8. desember 2022
- ↑ ¿Quiénes conforman la plancha presidencial de Pedro Castillo para las Elecciones 2021? (på spansk), 12. april 2021, henta 6. mai 2021
- ↑ Ellis, R. Evan (28. august 2022). The Evolution of Peru's Multidimensional Challenges (på engelsk). IndraStra Papers. ISBN 978-1-959278-00-9.
- ↑ Dina Boluarte jura como ministra de Desarrollo e Inclusión Social (på spansk), Empresa Peruana de Servicios Editoriales S. A. EDITORA PERÚ, henta 8. desember 2022
- ↑ Comité Regional de Lima de Perú Libre expulsa a Dina Boluarte por “falta grave” , larepublica.pe, 23. januar 2022, lest 20. april 2022
- ↑ «'Dina Boluarte anuncia que no seguirá en el Gabinete Ministerial tras designación de Betssy Chávez». 25. november 2022. Henta 2. desember 2022.
- ↑ Peru’s Dina Boluarte Sworn in as First Female President After Castillo Exit Bloomberg L.P.. Hentet 8. desember 2022.
- ↑ «Peruvian President Dina Boluarte's Low Approval Rate». Bloomberg BISI. 21. juni 2024. Henta 15. november 2024. «Peruvian President Dina Boluarte’s approval rating has fallen to 5%, as per the newest poll by Datum International, making her the Peruvian Head of State with the lowest rating ever»
- ↑ «Who is Dina Boluarte, Peru's first female president?». CNN (på engelsk). 8. desember 2022. Henta 8. desember 2022.
- Denne artikkelen bygger på «Dina Boluarte» frå Wikipedia på bokmål, den 22. juni 2025.