Barok
De barok is n stielperiode in de twijde helft van de 17e aiw tot in de eerste helft van de 18e aiw dij bruukt wuir in de architectuur, toenontwaarpen, schilderkunst, beeldhaauwkunst, literatuur en meziek.
t Woord barok komt van t Portugese barroco, dat 'onregelmoateg vörmde parel' betaikent. De barrokstijl stait den ook bekènd as bewegelk, mit veul wilde vörms en details.
Ontstoan
[bewark | bronkode bewarken]De barok is de periode dij de Renaissance opvolgt (mit as tuzzenperiode t manierisme, dat sums as apaarte periode zain wordt). Noa de Refermoatsie in t begun van 16e aiw haar de Rooms-Katholieke Kerk veul macht verloren. Veuraal in de noordelke Nederlanden, sikkom ales boven Brussel, haar t protestantisme veul aanhang. Deur middel van veul versierens en weelderege vörms perbeerde de kerke mensken weer te contra-refermeren. Dit lukte grotendails in t zuden van Europa. t Noorden bleef refermeerd en wuir dus (hoast) nait beïnvloud deur de barok. Vergeliek moal de protestaantse kerke oet Eckly (VS) en de barok-kerke oet Fürstenfeldbruck (Bayern). In de barok-kerke vindst veul meer versierens en beelden en in de protestantse kerk bienoa hailmoal gainent.
Schilderkunst
[bewark | bronkode bewarken]In de schilderkunst was de barok ook n belangrieke vernijensperiode. Vernuimde schilders oet de tied van de barok binnen Rembrandt van Rijn, Peter Paul Rubens en Michelangelo Merisi da Caravaggio.