Austria Baruah

Austria Baruah adolah salah ciek nagara bagian di Austria nan talatak di bagian timur lauik nagara tu. Ibu kotanyo barado di Sankt Pölten, manggantian Wina pado tahun 1986 nan manjadi nagara bagian tapisah pado tahun 1921. Jo laweh wilayah 19.186 km pasagi sarato panduduak sabanyak 1,7 juta jiwa, Austria Baruah marupokan nagara bagaian tagadang sakaliguih bapanduduak tabanyak kaduo di Austria, sasudah Wina.

Austria Baruah babatehan sacaro internasional sapanjang 414 km (257 mi) jo Republik Ceko jo Slovakia. Nagara bagian ko babatehan juo jo nagara bagian Austria Ateh, Styria, dan Burgenland, sarato mangaliliangi Wina. Namo Austria Baruah jo Austria Ateh baasa dari namo nan labiah lamo, yaitu Austria di baruah Enns jo Austria di ateh Enns, nan marujuak pado batang aia Enns. Mailia dari sumbernyo di tapi utara Pagunuangan Alpen Timur Tangah, batang aia ko malintehi Austria Ateh, kamudian pado bagian baruahnyo mambantuak parbatasan antaro Austria Baruah jo Austria Ateh.