Abhijith Mohandas

ഇന്ത്യൻ എക്സ്പ്രസ് മലയാളത്തിലെ സബ് എഡിറ്ററായ അഭിജിത്ത് മോഹൻദാസ്, കഴിഞ്ഞ നാലു വർഷമായി മാധ്യമരംഗത്ത് സജീവമാണ്. നിലവിൽ ഇന്ത്യൻ എക്സ്പ്രസ് മലയാളത്തിന്റെ 'സോഷ്യൽ ട്രെൻഡ് ഡെസ്കിന്' നേതൃത്വം നൽകുന്ന അഭിജിത്ത്, ഡിജിറ്റൽ ലോകത്തെ പുതിയ മാറ്റങ്ങളും സോഷ്യൽ മീഡിയയിലെ വൈറൽ ചർച്ചകളും സൂക്ഷ്മമായി നിരീക്ഷിക്കുകയും വിശകലനം ചെയ്യുകയും ചെയ്യുന്നു. കായികം, വിനോദം, സോഷ്യൽ മീഡിയ ട്രെൻഡുകൾ എന്നിവയെല്ലാം ഉൾപ്പെടുന്ന വൈവിധ്യമാർന്ന വാർത്താ മേഖലകളിലാണ് അഭിജിത്തിന്റെ പ്രധാന ശ്രദ്ധ.

വാർത്തകളിലെ കൃത്യതയും ആകർഷകമായ അവതരണവുമാണ് അഭിജിത്തിന്റെ എഴുത്തിനെ ശ്രദ്ധേയമാക്കുന്നത്. ഓരോ വാർത്തയുടെയും ആഴവും പ്രസക്തിയും മനസ്സിലാക്കി ലളിതമായി അവതരിപ്പിക്കാൻ എപ്പോഴും ശ്രദ്ധിക്കാറുണ്ട്. സോഷ്യൽ മീഡിയ ട്രെൻഡ്- വിനോദ മേഖലകളിലെ പുതിയ വാർത്തകൾ ഒട്ടും വൈകാതെ വായനക്കാരിലേക്ക് എത്തിക്കുന്നതിലൂടെ, സമകാലികമായ വിശേഷങ്ങളുമായി വായനക്കാരെ എപ്പോഴും ചേർത്തുനിർത്താൻ അഭിജിത്തിന് സാധിക്കുന്നു. മഹാത്മ ഗാന്ധി സർവകലാശാലയിൽ നിന്ന് ബിരുദം സ്വന്തമാക്കിയ അഭിജിത്ത്, ജേർണലിസത്തിൽ ബിരുദാനന്തര ബിരുദവും നേടിയിട്ടുണ്ട്.