Abu Dzar al-Ghifari
| Asmana ḍâlem bhâsa asli | (ar) أَبُو ذَرّ ٱلْغِفَارِيّ  |
|---|---|
| Carèta oḍi' | |
| Èlahèraghi | (ar) جُنْدَب بن جُنادَة بن سُفيان ٱلْغِفَارِيّ ٱلْكِنَانِيّ nilai tidak diketahui Hijaz (id)  |
| Sèdhâ | 651 Ar-Rabadzah (id) |
| Data pribadi (id) | |
| Aghâma | Islam |
| Kalakoan | |
| Karjâ | Pengkhotbah (id) , muhaddits (id) bi' pedagang (id) |
| Murid (id) | Anas bin Malik |
| Konflik (id) | Pembebasan Mekkah (id) , Pertempuran Hunain (id) , Penaklukan Rashidun di Mesir (id) bi' Peperangan Romawi Timur-Arab (id) |
| Bhâlâ | |
| Saudara (id) | Unays ibn Junada al-Ghifarí al-Kinaní (en) bi' Amr bin Abasah (id) |
Jundub bin Junadah bin Sakan bin Sufyan bin Ubaid bin Waqi'ah bin Haram bin Ghifar bin Malil bin Dhamrah bin Bakr bin Abdi Manat bin Kinanah ( Arab: جُندب بن جَنادة ), sè lebbi èkennal mènangka Abu Dzar al-Ghifari otabâ Abizar al-Ghifari, panèka sala sèttong sohabhât Nabbhi Muhammad sè palèng awal maso' Islam ( Assabiquunal Awwalun ). [1] Abu Dzar kalonta polana zuhud.
Abu Dzar asalla ḍâri suku Ghifar, sè èkennal mènangka suku bandit è jhâman pra-Islam. Abu Dzar narèma Islam kalabân èhlas. Abu Dzararopa’aghi sala sèttong assabiqunal awwalun (orèng sè ḍâ-aḍâ' maso' Islam). Abu Dzar rabu ḍâ’ Nabbhi Muhammad langsong ka Mekka kaangghuy anyata’agi aghâma Islam saellana mèreng careta-careta Nabbhi ka Mekka. [2]
Kanjeng Nabbhi marènta’aghi kaangguy dhuli molè ka compo’ saellana Islam mennang, namong pangaterrona Abu Dzar laèn. Saellana nyataaghi maso' Islam ampon aobâ ḍâ' Islam, Abu Dzar ajhâlân è sabbhân Mekkah kaangghuy èberri' tao jhâ' Abu samangkèn ampon dhâddhi orèng Islam, saèngghâna aghâbây kakobâteran ḍâri kafir Quraisy sampè' èserrang. Berkat bhântowan Abbas bin Abdul Muthalib, Abu Dzar èsalamettagi saamponna èkataoè jhâ' orèng sè ècocco panèka ḍâri suku Ghifar.[2]
Sanajjân sala sèttong sohabhât sè palèng awwâl maso’ aghâma Islam, Abu Dzar tellat ngèrèng hijrana Nabbhi Muhammad ka Madinah. Abu Dzar maso’ ka Madinah samarèna Perrang Badar. Bâḍâ sè ngoca' jhâ' Abu Dzar ta' noro' è Perrang Parit, namong è buḍi arè noro' è Perrang Hunayn mènangka orèng sè ngangka' benḍira sukuna. [3] Orèng-orèng sè maso' islam lebât Abu Dzar, èngghi panèka: Ali-al-Ghifari, Anis al-Ghifari, Ramlah al-Ghifariyah.
Abu Dzar kalonta kalabân bhâktèna ḍâ' ka Nabbhi Muhammad saw. Kasettiyan panèka contona è bâkto parjhâlânanna tentara muslim kaangghuy aperrang Tabuk bi' Kekaisaran Bizantium. Polana hèmarra ta’ kowat, dhâddhi Abu Dzar ajhâlân sambi ngangko’ bhârângnga. È bâkto jareya pannassa sè sanget. Abu Dzar lesso bân robbhu è aḍâ'na Nabbhi Muhammad saw. Namong, Kanjeng Nabbi Muhammad takerjhat manggi’i bhutola aèng ghi’ possa’. È bâkto etanya’aghi arapa ma’ ta’ ngènom aèng jârèya, Abu Dzar ajâwâb, “È ḍâlem parjhâlânan, sèngko’ nemmo sombher aèng."
"Kaulâ ngènom sakonè' aèng jârèya bân kaulâ arassa lèbur. Saamponna ghâpanèka kaulâ asompa ta’ ngènom aèng ghânèka polè sabellunna Nabbhi Muhammad ngènom aèng ghâpanèka." Kalabân emosi Nabbhi Muhammad adhâbu, "Ba’na ḍâteng kadhibi’an, oḍi' kadhibi’an, bân bâ’na bhâkal matèya kadhibi’an. Namong kalompo' orèng sè taqwa ḍâri Irak bhâḍhi ngurus pemakaman bâ'na." Abu Dzar Al Ghifary, kancana sè èsto ḍâri Nabbhi Muhammad, ngabdhiaghi saḍâjâna oḍi'na ka Islam.
Oḍi' sabellunna Islam
[beccè' | beccè' sombher]Ta’ ekataowè persis bilâ Abu Dzar lahèr. Sajhârâ coma nyathât jhâ' Abu Dzar al-Ghifari lahèr bân oḍi' è semma'na jhâlân kafilah Mekkah, Suriah.
Sombher
[beccè' | beccè' sombher]- ↑ Al-Baghdadi, Ibnu Qani' (2004). Mu'jam as-Shahabah jilid III. Beirut: Dar el-Fikr. pp. 996–997.
{{cite book}}: CS1 maint: url-status (link) - 1 2 Syaikh, Shafiyyurrahman Al-Mubarakfuri (2012). Sirah Nabawiyah. Jakarta: Pustaka Al-Kautsar. ISBN 978-602-98968-3-1
- ↑ Al-Asqalani, Ibnu Hajar. Al-Ishabah fi Tamyiz as-Shahabah jilid 7. p. 60.
{{cite book}}: CS1 maint: url-status (link)