Gemeng Bäerdref

Gemeng Bäerdref
Gemeng Bäerdref
	d'Märei vu Bäerdref
Aussprooch	;
An anere Sproochen	fr: Berdorf; de: Berdorf
Land	Lëtzebuerg
Kanton	Kanton Iechternach
Chef-lieu	Bäerdref
Buergermeeschter	Joé Nilles
Awunner	2.293
	1. Januar 2026
Fläch	2.192,4446 ha
Héicht	343 m
Koordinaten	49° 49’ 17’’ N; 06° 20’ 58’’ O
LAU-Code	LU1003
Websäit	https://www.berdorf.lu/
	D'Gemeng Bäerdref (orange) am Kanton Iechternach (rout)

D'Gemeng Bäerdref (lokal: Bäertref^[1]^[2]) ass eng vun den 100 lëtzebuergesche Gemengen. Se läit am Kanton Iechternach an de Chef-lieu vun der Gemeng ass d'Uertschaft Bäerdref vun där se och hiren Numm huet.

D'Gemeng huet 2.293 Awunner (Stand 1. Januar 2026)^[3]^[4].

Uertschaften a Lieu-diten an der Gemeng^[5]

Uertschaften

Bäerdref
Bollenduerfer Bréck
Grondhaff, déi riets Säit vun der Schwaarzer Iernz
Kalkesbaach
Weilerbaach

Lieu-diten

Zu der Gemeng Bäerdref gehéieren och nach déi heiten Häff a Lieu-diten :

Kadastersektiounen

D'Gemeng Bäerdref huet dräi Kadastersektiounen:

A de Bollendorf-Pont mat 440,7323 ha
B de Berdorf mat 841,9710 ha
C de Bois et Fermes mat 909,8333 ha

Mam Zil vun enger administrativer Vereinfachung gouf d'Grenz tëscht de Gemenge Bäerdref a Konsdref mam Gesetz vum 27. Juli 2022^[6] ugepasst. D'Uertschaft Kalkesbaach déi virdrun um Gebitt vun de zwou Gemeng louch, gehéiert zanterhier ganz zur Gemeng Bäerdref. Duerch den Tosch vun de Parzellen ass d'Fläch vun der Gemeng Bäerdref ëm 9,20 Ar méi grouss ginn.

Geographie

D'Uertschaft Bäerdref läit an der Mëtt vun engem Héichplateau, deen (ausser am Südwesten) vun déiwen Däller, déi duerch d'Sauer, d'Schwaarz Iernz an d'Äsbech an de Sandstee gegruewe gi sinn, ëmginn ass. D'Uertschafte Grondhaff, Bollenduerfer Bréck a Weilerbaach leien (der Flossrichtung no) nordwestlech bis ëstlech dovun am Sauerdall, iwwerdeems Kalkesbaach südlech vu Bäerdref, no bei der Grenz mat der Gemeng Konsdref, läit.

Vum Plateau erof lafen d'Ruelzbech an d'Wanterbaach an d'Schwaarz Iernz, d'Haalsbaach an d'Äsbech an dës an d'Sauer.

Nopeschgemengen

	(D)
Beefort	N	Iechternach
	W Bäerdref O
	S
Waldbëlleg	Konsdref

Geschicht

D'Gemeng Bäerdref ass, wéi déi meescht aner Gemengen am Land, ënner dem franséische Regimm entstanen, de facto den 1. Oktober 1795, wéi mat der Aglidderung an d'Bëscherdepartement och déi franséisch Gemengegesetzgebung zu Lëtzebuerg applikabel gouf. Och no der Grënnung vum Groussherzogtum Lëtzebuerg, 1814/15, sinn d'Gemenge weiderhin als lokal Verwaltungseenheeten erhale bliwwen.

Demographesch Entwécklung

Quell: STATEC – Population par canton et commune, automatesch vu Wikidata agebonnen.

Wopen

	Beschreiwung am Originaltext^[7]: D'or à la croix fleurdelisée de gueules accostée en chef de deux béquilles de Saint Antoine du même et accompagné en pointe d'un pont de trois arches de sable mouvant des flancs posé sur une rivière d'azur mouvant de la pointe. D.C. 28. Dezember 1988 - A.M. - Mémorial B 1989 - Projet: Jean-Claude Loutsch 1983 D'Haaptemailer vum Wope sinn déi vun den Häre vu Beefort, an d'Kräiz mat de Liliespëtze symboliséiert d'Abtei Iechternach. Bäerdref selwer gëtt duerch d'Krätsche vum Hellegen Tunn duergestallt, deen ee vun de Patréiner vun der Par ass. D'Bréck steet fir d'Uertschaft Bollenduerfer Bréck a symboliséiert d'Bréck iwwer d'Sauer. Se ass schwaarz well dat un d'Faarf vum Kräiz aus dem Wope vun den Häre vu Bollendorf erënnert.

Politik

Buergermeeschteren

1817 - 1825: Pierre Wagener^[8]
1825 - 1836: Mathias Speller
1837 - 1848: Mathias Stronck
1849 - 1858: Theodor Muller
1859 - 1860: Christian Hubert
1861 - 1872: Michel Muller
1873 - 1887: Peter Kinnen
1888 - 1896: Jean Schoos
1897 - 1914: Theodore Kinnen
1915 - 1932: Michel Ries
1933 - 1934: Pierre Groff
1935 - 1945: Jean Huss^[9]
1946 - 1951: Mathias Speller
1952 - 1975: Theodore Hubert
1976 - 1987: René Kartheiser
1988 - 2005: Georges Konsbruck
2005 - 2017: Ernest Walerius
zanter 2017: Joe Nilles

Interkommunal Syndikater

D'Gemeng Bäerdref ass Member vu follgenden interkommunale Syndikater:

Leit aus der Gemeng

Kuckt och

Um Spaweck

Commons: Gemeng Bäerdref – Biller, Videoen oder Audiodateien

Referenzen

↑ Logo vun der "Gemeng Bäertref"
↑ Lëscht vun den Uertschaften a Lieu-diten zu Lëtzebuerg. CPLL - Conseil permanent de la langue luxembourgeoise Archivéiert den 11.08.2020. Gekuckt de 14.06.2020.
↑ Dës Informatioun gëtt automatesch vu Wikidata agebonnen.
↑ STATEC - Population par canton et commune. Gekuckt de 6. Juli 2026.
↑ D'Nimm vun den Uertschaften entspriechen deenen, déi de Kadaster unhand vu sengen Attributiounen, déi am Gesetz vum 25. Juli 2002 portant réorganisation de l’administration du cadastre et de la topographie festgehale sinn, opgestallt huet, an déi am « Registre national des localités et des rues » opgezielt sinn. Häff a Lieu-dite sinn déi localités, wéi se zousätzlech am Annuaire officiel d'Administration et et de législation 2000 ënner III. Annexes opgelëscht sinn. Verschiddener goufen allerdéngs un d'Schreifweis vun haut ugepasst.
↑ Legilux. legilux.public.lu. Gekuckt de 04.09.2022.
↑ Jean-Claude Loutsch, Nicolas Lemogne, Marcel Lenertz, Jean-Albert Fisch (Ed.): Armorial communal du Grand-Duché de Luxembourg. Lëtzebuerg, ISBN 2-87969-000-5, S. 37 (fr).
↑ Bis 1934: Bäertrëffer Gemengenzeitung 3/2012, S.15.
↑ Vun 1935 bis 2017: Bäertrëffer Gemengenzeitung 2/2017, S.18-19.

[1] Logo vun der "Gemeng Bäertref"

[2] Lëscht vun den Uertschaften a Lieu-diten zu Lëtzebuerg. CPLL - Conseil permanent de la langue luxembourgeoise Archivéiert den 11.08.2020. Gekuckt de 14.06.2020.

[3] Dës Informatioun gëtt automatesch vu Wikidata agebonnen.

[wikidata-59e88adab031c6c1ffb41c47f081ab00930c8822-4] STATEC - Population par canton et commune. Gekuckt de 6. Juli 2026.

[5] D'Nimm vun den Uertschaften entspriechen deenen, déi de Kadaster unhand vu sengen Attributiounen, déi am Gesetz vum 25. Juli 2002 portant réorganisation de l’administration du cadastre et de la topographie festgehale sinn, opgestallt huet, an déi am « Registre national des localités et des rues » opgezielt sinn. Häff a Lieu-dite sinn déi localités, wéi se zousätzlech am Annuaire officiel d'Administration et et de législation 2000 ënner III. Annexes opgelëscht sinn. Verschiddener goufen allerdéngs un d'Schreifweis vun haut ugepasst.

[6] Legilux. legilux.public.lu. Gekuckt de 04.09.2022.

[:Armorial-7] Jean-Claude Loutsch, Nicolas Lemogne, Marcel Lenertz, Jean-Albert Fisch (Ed.): Armorial communal du Grand-Duché de Luxembourg. Lëtzebuerg, ISBN 2-87969-000-5, S. 37 (fr).

[8] Bis 1934: Bäertrëffer Gemengenzeitung 3/2012, S.15.

[9] Vun 1935 bis 2017: Bäertrëffer Gemengenzeitung 2/2017, S.18-19.

[1]

[2]

[3]

[4]

[5]

[6]

[7]

[8]

[9]

Uertschaften a Lieu-diten an der Gemeng[5]