Laurentius Medices

Laurentius Medices

Res apud Vicidata repertae:

Laurentius Medices: imago

Laurentius Medices: subscriptio

Nativitas: 1 Ianuarii 1449; Florentia
Obitus: 8 Aprilis 1492; Careggi
Patria: Respublica Florentina

Familia

Genitores: Petrus Cosimi Medices; Lucrezia Tornabuoni
Coniunx: Clarice Orsini
Proles: Lucrezia de' Medici, Petrus Laurentius Medices, Maddalena de' Medici, Leo X, Giuliano de' Medici, Duke of Nemours, Contessina de' Medici, Luisa de' Medici
Familia: Gens Medicaea

Memoria

Sepultura: Medici Chapels

Insignia heraldica

Laurentius Medices: insigne

Laurentius Medices iuvenis a (Benotio Gozzoli pictus, Florentiae Aedicula Magorum

Laurentius Medices etiam Laurentius Medicaeus qui Laurentius Magnificus appellatur, fuit Dominus Florentiae secunda parte saeculi XV. Laurentius Medices fuit etiam scriptor ac patronus artium. Laurentius nepos erat conditoris domus regnatricis Medicium Cosimi, qui "Senex" appellatur et filius Petri Cosmi Medicis et Lucretiae Tornabuoni. Laurentius Magnificus est imago ipsa principis Renascimenti.

Vita

Laurentius Medices, ob sapientiam "Magnificus" cognominatus, post fata patris Petri, una cum fratre Iuliano, gentis argentariae opes ac Florentinae reipublicae gubernacula de facto suscepit. Non solum maiorum divitias servavit, sed urbem Floris ad tantum splendorem evexit, ut omnium artium et litterarum domicilium evaderet.

Atrox fortuna domum Medicem anno MCCCCLXXVIII tentavit. Die XXVI Aprilis, dum in cathedrali fano Sanctae Mariae Floris sacra mysteria celebrantur, coniurati ex familia Pazzi, fovente pontifice Sixto IV, in fratres impetum fecerunt. Iulianus, multis confossus vulneribus, ante aram sacram animam efflavit; Laurentius vero, licet saucius, amicorum praesidio in sacrarium receptus, mortem effugit. Quae caedes, invidia et odio conflata, civium furorem excitavit, qui in auctores sceleris acriter vindicaverunt.

Post cruentam coniurationem, Laurentius mira solertia non modo statum firmavit, sed etiam Italiam servavit. Neapolis regem, Ferdinandum Aragonensem, audaci itinere adivit ut pacem conciliaret, fitque exinde totius Italiae "lingua et statera", dissensiones inter principes sapienter componens.

Sub eius tutela:

• Academia Platonica effloruit, Marsilio Ficino duce.
• Politianus et Picvs Mirandvla arcana philosophiae ac poesis retexuerunt.
• Michael Angelus Buonarrotius, adhuc puer, in hortis Mediceis artem sculpendi didicit.

Obiit Laurentius anno MCDXCII, quo anno novi orbis aditus patuit, relicta fama viri qui, licet princeps non coronatus, regio animo Floréntiam ac Latias litteras immortali gloria exornavit.

Pinacotheca

• 
  Laurentius Medices (in medio), a Domenico Ghirlandaio Florentiae, Aedicula Sassetti in Ecclesia Sanctae Trinitatis
• 
  Laurentius Medices
• 
  Laurentius Medices pictus a Georgio Vasari

Nexus interni

• Villa Medicea (Carianum)

Nota

David's face

Haec stipula ad biographiam spectat. Amplifica, si potes!