Michael Caine
Sir Michael Caine | |
|---|---|
.jpg) Michael Caine árið 2012. | |
| Upplýsingar | |
| Fæddur | Maurice Joseph Micklewhite 14. mars 1933 Rotherhithe, London, Englandi |
| Þjóðerni | Enskur |
| Ár virkur | 1950–2023 |
| Maki | Patricia Haines (g. 1954; sk. 1958) Shakira Baksh (g. 1973) |
| Börn | 2 |
| Vefsíða | michaelcaine |
| Undirskrift |  |
| Óskarsverðlaun | |
| Besti leikari í aukahlutverki fyrir Hanna og systur hennar (1986) Besti leikari í aukahlutverki fyrir The Cider House Rules (1999) | |
| BAFTA-verðlaun | |
| Besti aðalleikari fyrir Ríta gengur menntaveginn (1983) | |
Sir Michael Caine (fæddur Maurice Joseph Micklewhite; 14. mars 1933) er enskur leikari. Caine er þekktur fyrir áberandi Cockney-hreim sinn og hefur birst í rúmlega 130 kvikmyndum á ferli sem nær yfir átta áratugi. Hann er álitinn breskt menningartákn[1][2] og hefur hlotið fjölda verðlauna, meðal annars tvenn Óskarsverðlaun, BAFTA-verðlaun, þrenn Golden Globe-verðlaun og Screen Actors Guild-verðlaun. Árið 2017 höfðu kvikmyndir Caine samanlagt halað inn rúmlega 7,8 milljörðum bandaríkjadala á heimsvísu.[3] Árið 2000 hlaut Caine heiðursverðlaun BAFTA og var sleginn til riddara af Elísabetu 2. drottningu.
Æviágrip
[breyta | breyta frumkóða]Michael Caine fæddist undir nafninu Maurice Micklewhite og ólst upp í fátækrahverfi í Lundúnum. Faðir hans var vaktmaður á fiskmarkaði og móðir hans var ræstingakona. Æskuheimili hans varð fyrir sprengju í seinni heimsstyrjöldinni og hann var því sendur á fósturheimili. Hann fór aftur til móður sinnar, sem þá var orðin matráðskona á herragarði, eftir stríðið.[4]
Maurica Micklewhite hætti skólagöngu þegar hann var fimmtán ára gamall og vann ýmis láglaunastörf þar til hann var ráðinn til starfa í leikhúsi.[4] Micklewhite, sem hafði haft áhuga á kvikmyndum og leiklist frá barnæsku, tók upp sviðsnafnið Michael Caine eftir að hafa horft á myndina Uppreisnin á Caine.[5]
Caine gegndi herþjónustu í Berlín og Kóreu árin 1951–53 en sneri sér síðan alfarið að leiklist. Hann vann hjá atvinnuleikhúsum í Horshan og Lowestoft frá 1953 til 1955 og síðan hjá Theatre Workshop í Lundúnum. Á tímabilinu 1957 til 1963 lék Caine í rúmlega 100 sjónvarpsleikritum og einu leiksviðsverki í Lundúnum.[6] Fyrsta kvikmyndahlutverk Caine var hlutverk liðsforingja í myndinni Zulu. Það hlutverk var ekki stórt en það leiddi til þess að honum var boðið aðalhlutverkið í kvikmyndinni Leyniskjölin árið 1965, þar sem hann lék njósnarann Harry Palmer.[5] Á næstu árum eftir hana birtist hann að meðaltali í tveimur til fimm kvikmyndum á ári.[6]
Caine hlaut tvenn Óskarsverðlaun á ferli sínum, í bæði skiptin fyrir leik í aukahlutverki. Verðlaunin hlaut hann fyrir kvikmyndirnar Hanna og systur hennar og The Cider House Rules.[7]
Í september 2023 tilkynnti Caine að hann væri sestur í helgan stein.[7]
Einkahagir
[breyta | breyta frumkóða]Caine er tvíkvæntur. Hann kvæntist leikkonunni Patriciu Haines árið 1954, þegar hann var 24 ára, en skildi við hana eftir tveggja ára hjónaband. Dóttir hans úr þessu hjónabandi var sett í fóstur hjá tengdaforeldrum hans. Seinni eiginkona hans er Shakira Baksh, sem hann kvæntist árið 1974 og eignaðist með henni eina dóttur.[6]
Eftir að móðir Caine lést árið 1989 komst hann að því að hún hafði átt son utan hjónabands áður en hún giftist föður hans. Caine og albróðir hans höfðu aldrei vitað að þeir áttu þennan hálfbróður allan þann tíma sem móðir þeirra var á lífi.[8]
Kvikmyndaskrá
[breyta | breyta frumkóða]| Ár | Titill | Hlutverk | Leikstjóri | Athugasemdir |
|---|---|---|---|---|
| 1950 | Morning Departure | Testrákur | Harold Clayton | Ekki nefndur á kreditlista |
| 1956 | Tannhvöss tengdamamma (Sailor Beware!) | Sjómaður | Gordon Parry | |
| Kóreu hæðin (A Hill in Korea) | Óbreyttur Lockyer | Julian Amyes | Upphaflega titluð Hell in Korea | |
| 1957 | The Steel Bayonet | Caine | Michael Carreras | Ekki nefndur á kreditlista |
| Hvernig drepa skal ríkan frænda (How to Murder a Rich Uncle) | Gilrony | Nigel Patrick | ||
| 1958 | A Woman of Mystery | Aukahlutverk | Ernest Morris | Ekki nefndur á kreditlista |
| Hún gleymist ei (Carve Her Name with Pride) | Þyrstur fangi í lest | Lewis Gilbert | ||
| Lykillinn (The Key) | Aukahlutverk | Carol Reed | ||
| Örlagarík gleymska (Blind Spot) | Johnny Brent | Peter Maxwell | ||
| Meistara njósnarinn (The Two-Headed Spy) | Gestapo Agent | Andre De Toth | ||
| Fagrar konur til sölu (Passport to Shame) | Brúðgumi | Alvin Rakoff | Einnig titluð Room 43 | |
| 1959 | Danger Within | Fangi | Don Chaffey | Ekki nefndur á kreditlista |
| 1960 | Foxhole in Cairo | Weber | John Llewellyn Moxey | |
| Léttlyndi sjóliðinn (The Bulldog Breed) | Sjóari í slagsmálum | Robert Asher | Ekki nefndur á kreditlista | |
| 1961 | Síðasta fréttin (The Day the Earth Caught Fire) | Lögregluþjónn | Val Guest | |
| 1962 | Solo for Sparrow | Paddy Mooney | Gordon Flemyng | |
| 1963 | Laganna verðir á villigötum (The Wrong Arm of the Law) | Starfsmaður á lögreglustöð | Cliff Owen | Ekki nefndur á kreditlista |
| 1964 | Zulu | Gonville Bromhead lautinant | Cy Endfield | |
| 1965 | Leyniskjölin (The Ipcress File) | Harry Palmer | Sidney J. Furie | |
| 1966 | Alfie | Alfie Elkins | Lewis Gilbert | Tilnefndur til Óskarsverðlauna sem besti aðalleikarinn |
| Lík í misgripum (The Wrong Box) | Michael Finsbury | Bryan Forbes | ||
| Gambit | Harry Tristan Dean | Ronald Neame | ||
| Útför í Berlín (Funeral in Berlin) | Harry Palmer | Guy Hamilton | ||
| 1967 | Skunda sólsetur (Hurry Sundown) | Henry Warren | Otto Preminger | |
| Stúlka sem segir sjö (Woman Times Seven) | Myndarlegur ókunnugur maður | Vittorio De Sica | ||
| Billjón dollara heilinn (Billion Dollar Brain) | Harry Palmer | Ken Russell | ||
| 1968 | Heljarstökkið (Deadfall) | Henry Stuart Clarke | Bryan Forbes | |
| Leikir töframannsins (The Magus) | Nicholas Urfe | Guy Green | ||
| 1969 | Engin miskunn (Play Dirty) | Kapteinn Douglas | Andre De Toth | |
| Ekki er sopið kálið (The Italian Job) | Charlie Croker | Peter Collinson | Söng einnig inn á lagið „Getta Bloomin' Move On!“ | |
| Orrustan um Bretland (Battle of Britain) | Canfield sveitarforingi | Guy Hamilton | ||
| 1970 | Síðasta hetjan (Too Late the Hero) | Óbreyttur Tosh Hearne | Robert Aldrich | |
| Simon, Simon | Hann sjálfur | Graham Stark | Stuttmynd | |
| 1971 | Grípið Carter (Get Carter) | Jack Carter | Mike Hodges | |
| Síðasti dalurinn (The Last Valley) | Kapteinninn | James Clavell | ||
| Í ræningjahöndum (Kidnapped) | Alan Breck | Delbert Mann | ||
| 1972 | Hjónabandssæla (X Y & Zee) | Robert Blakeley | Brian G. Hutton | |
| Pulp | Mickey King | Mike Hodges | ||
| Slóð (Sleuth) | Milo Tindle | Joseph L. Mankiewicz | Tilnefndur til Óskarsverðlauna sem besti aðalleikarinn | |
| 1974 | Svikamyllan (The Black Windmill) | John Tarrant majór | Don Siegel | |
| Leigumorðinginn (The Marseille Contract) | John Deray | Robert Parrish | Sýnd í Bandaríkjunum undir titlinum The Destructors | |
| 1975 | Wilby-samsærið (The Wilby Conspiracy) | Jim Keogh | Ralph Nelson | |
| The Romantic Englishwoman | Lewis Fielding | Joseph Losey | ||
| Maðurinn sem vildi verða konungur (The Man Who Would Be King) | Peachy Carnehan | John Huston | ||
| 1976 | Spæjarinn (Peeper) | Leslie C. Tucker | Peter Hyams | |
| Harry og Walter gerast bankaræningjar (Harry and Walter Go to New York) | Adam Worth | Mark Rydell | ||
| Örninn er sestur (The Eagle Has Landed) | Kurt Steiner ofursti | John Sturges | ||
| 1977 | Orrustan við Arnhem (A Bridge Too Far) | Joe Vandeleur | Richard Attenborough | |
| 1978 | Silfurrefirnir (Silver Bears) | Doc Fletcher | Ivan Passer | |
| The Swarm | Dr. Bradford Crane | Irwin Allen | ||
| Ekki eru allar ferðir til fjár (California Suite) | Sidney Cochran | Herbert Ross | ||
| 1979 | Þrælasalan (Ashanti) | Dr. David Linderby | Richard Fleischer | |
| Bardaginn í skipsflakinu (Beyond the Poseidon Adventure) | Mike Turner skipstjóri | Irwin Allen | ||
| 1980 | Klæði dauðans (Dressed to Kill) | Dr. Robert Elliott | Brian De Palma | |
| Eyjan (The Island) | Blair Maynard | Michael Ritchie | ||
| 1981 | Höndin (The Hand) | Jonathan Lansdale | Oliver Stone | |
| Flótti til sigurs (Escape to Victory) | John Colby kapteinn | John Huston | ||
| 1982 | Lífsháski (Deathtrap) | Sidney Bruhl | Sidney Lumet | |
| 1983 | Ríta gengur menntaveginn (Educating Rita) | Dr. Frank Bryant | Lewis Gilbert | Tilnefndur til Óskarsverðlauna sem besti aðalleikarinn |
| Heiðurskonsúllinn | Charley Fortnum, ræðismaður | John Mackenzie | ||
| Heimkoma njósnarans (The Jigsaw Man) | Philip Kimberly / Sergei Kuzminsky | Terence Young | ||
| Tilgangur lífsins (Monty Python's The Meaning of Life) | Hermaður | Terry Jones | Ekki nefndur á kreditlista | |
| 1984 | Fjör í Ríó (Blame It on Rio) | Matthew Hollins | Stanley Donen | |
| 1985 | Vatn (Water) | Baxter Thwaites landstjóri | Dick Clement | |
| Blóðpeningar (The Holcroft Covenant) | Noel Holcroft | John Frankenheimer | ||
| 1986 | Hanna og systur hennar (Hannah and Her Sisters) | Elliot | Woody Allen | Vann Óskarsverðlaun í flokki besta aðalleikarans |
| Ljúfa frelsi (Sweet Liberty) | Elliott James | Alan Alda | ||
| Mona Lisa | Mortwell | Neil Jordan | ||
| Hálfmánastræti (Half Moon Street) | Sam Bulbeck lávarður | Bob Swaim | ||
| Afhjúpunarógn (The Whistle Blower) | Frank Jones | Simon Langton | ||
| 1987 | Samningsbrot (The Fourth Protocol) | John Preston | John Mackenzie | Einnig aðalframleiðandi |
| Ókindin IV (Jaws: The Revenge) | Hoagie Newcombe | Joseph Sargent | ||
| Uppgjöf (Surrender) | Sean Stein | Jerry Belson | ||
| 1988 | Glórulaus (Without a Clue) | Sherlock Holmes / Reginald Kincaid | Thom Eberhardt | |
| Svikahrappar (Dirty Rotten Scoundrels) | Lawrence Jamieson | Frank Oz | ||
| 1990 | Sá hlær best (A Shock to the System) | Graham Marshall | Jan Egleson | |
| Herra örlög (Mr. Destiny) | Mike / Herra örlög | James Orr | ||
| Bullseye | Sidney Lipton / Dr. Hicklar | Michael Winner | ||
| 1992 | Leikhúslíf (Noises Off) | Lloyd Fellowes | Peter Bogdanovich | |
| Blue Ice | Harry Anders | Russell Mulcahy | Einnig framleiðandi | |
| Jólasaga Prúðuleikaranna (A Muppet Christmas Carol) | Ebenezer Scrooge | Brian Henson | ||
| 1994 | Á dauðaslóð (On Deadly Ground) | Michael Jennings | Steven Seagal | |
| 1996 | Blóð og vín (Blood and Wine) | Victor 'Vic' Spansky | Bob Rafelson | |
| 1998 | Skuggaleiðin (Shadow Run) | Haskell | Geoffrey Reeve | |
| Curtain Call | Max Gale | Peter Yates | ||
| Taktu lagið, Lóa (Little Voice) | Ray Say | Mark Herman | ||
| 1999 | The Cider House Rules | Dr. Wilbur Larch | Lasse Hallström | Vann Óskarsverðlaun í flokki besta aukaleikarans |
| The Debtors | Fíkill | Evi Quaid | ||
| 2000 | Fjaðurstafir (Quills) | Dr. Royer-Collard | Philip Kaufman | |
| Shiner | Billy „Shiner“ Simpson | John Irvin | ||
| Grípið Carter (Get Carter) | Cliff Brumby | Stephen Kay | ||
| Vinsælasta stúlkan (Miss Congeniality) | Victor Melling | Donald Petrie | ||
| 2001 | Hinsta óskin (Last Orders) | Jack | Fred Schepisi | |
| 2002 | Austin Powers: Goldmember (Austin Powers in Goldmember) | Nigel Powers | Jay Roach | |
| Hægláti Ameríkumaðurinn (The Quiet American) | Thomas Fowler | Phillip Noyce | Tilnefndur til Óskarsverðlauna sem besti aðalleikarinn | |
| 2003 | Kviksyndi (Quicksand) | Jake Mellows | John Mackenzie | |
| The Actors | O'Malley | Conor McPherson | ||
| Notuð ljón (Secondhand Lions) | Garth | Tim McCanlies | ||
| Stríðið (The Statement) | Pierre Brossard | Norman Jewison | ||
| 2004 | Leyndarmál feðranna (Around the Bend) | Henry Lair | Jordan Roberts | |
| 2005 | Batman Begins | Alfred Pennyworth | Christopher Nolan | Fyrsta mynd Caine með Nolan |
| Í álögum (Bewitched) | Nigel Bigelow | Nora Ephron | ||
| The Weather Man | Robert Spritzel | Gore Verbinski | ||
| 2006 | Mannabörn (Children of Men) | Jasper | Alfonso Cuarón | |
| The Prestige | John Cutter | Christopher Nolan | ||
| 2007 | Flawless | Hr. Hobbs | Michael Radford | |
| Sleuth | Andrew Wyke | Kenneth Branagh | ||
| 2008 | Rökkurriddarinn (The Dark Knight) | Alfred Pennyworth | Christopher Nolan | |
| Is Anybody There? | Clarence | John Crowley | ||
| 2009 | Harry Brown | Harry Brown | Daniel Barber | |
| 2010 | Hugljómun (Inception) | Prófessor Stephen Miles | Christopher Nolan | |
| 2011 | Gnómeó og Júlía (Gnomeo & Juliet) | Redbrick lávarður | Kelly Asbury | Talsetning |
| Bílar 2 (Cars 2) | Finnur McSkot (Finn McMissile) | John Lasseter | ||
| 2012 | Journey 2: The Mysterious Island | Alexander Anderson | Brad Peyton | |
| Rökkurriddarinn rís (The Dark Knight Rises) | Alfred Pennyworth | Christopher Nolan | ||
| 2013 | Now You See Me | Arthur Tressler | Louis Leterrier | |
| Mr. Morgan's Last Love | Matthew Morgan | Sandra Nettelbeck | ||
| 2014 | Stonehearst Asylum | Dr. Benjamin Salt | Brad Anderson | |
| Interstellar | Prófessor John Brand | Christopher Nolan | ||
| 2015 | Kingsman: The Secret Service | Arthur / Chester King | Matthew Vaughn | |
| Youth | Fred Ballinger | Paolo Sorrentino | ||
| The Last Witch Hunter | Father Dolan | Breck Eisner | ||
| 2016 | Now You See Me 2 | Arthur Tressler | Jon M. Chu | |
| 2017 | Going in Style | Joe Harding | Zach Braff | |
| Dunkirk | Fortis Leader | Christopher Nolan | Raddhlutverk, ekki á kreditlista | |
| My Generation | Hann sjálfur | David Batty | Heimildarmynd | |
| 2018 | Dear Dictator | Anton Vincent hershöfðingi | Lisa Addario & Joe Syracuse | |
| Sherlock Gnomes | Redbrick lávarður | John Stevenson | Talsetning | |
| King of Thieves | Brian Reader | James Marsh | ||
| 2020 | Come Away | Charlie | Brenda Chapman | |
| Four Kids and It | The Psammead | Andy De Emmony | Talsetning | |
| Tenet | Sir Michael Crosby | Christopher Nolan | ||
| 2021 | Twist | Fagin | Martin Owen | |
| Best Sellers | Harris Shaw | Lina Roessler | ||
| 2022 | Medieval | Boresh lávarður | Petr Jákl | |
| 2023 | The Great Escaper | Bernard Jordan | Oliver Parker | Síðasta kvikmyndahlutverk |
Tilvísanir
[breyta | breyta frumkóða]- ↑ O'Connor, Roisin (16 október 2021). „Michael Caine 'not retiring' despite saying Best Sellers was his 'last part'“. The Independent. Afrit af uppruna á 12 maí 2022. Sótt 13 nóvember 2021.
- ↑ Stephenson, Hannah (18 október 2018). „Sir Michael Caine – story of a British film icon“. The Yorkshire Post. Sótt 13 nóvember 2021.
- ↑ „Michael Caine – Box Office Data Movie Star“. The-numbers.com. Afrit af upprunalegu geymt þann 22. mars 2019. Sótt 20. mars 2014.
- 1 2 „Uppalinn í mikilli fátækt og vesæld“. DV. 4. júlí 1992. bls. 42.
- 1 2 „Michael Caine“. Vikan. 28. ágúst 1986. bls. 23.
- 1 2 3 „Úr fátækt í frama“. Morgunblaðið. 4. júlí 1992. bls. 20–21.
- 1 2 Bjarki Sigurðsson (22. september 2023). „Michael Caine „eiginlega" sestur í helgan stein“. Vísir. Sótt 7. janúar 2026.
- ↑ „Stórleikarinn Michael Caine komst að skuggalegu fjölskylduleyndarmáli eftir andlát móður sinnar“. DV. 4. september 2025. Sótt 7. janúar 2026.
