Regiones de Francia
Francia es divide in dece-octo regiones administrative (francese: régions), del qual dece-tres se trova in Francia metropolitan (in Europa), durante que le altere cinque son regiones ultramarin (non a confunder con le collectivitates ultramarin, que ha un stato semi-autonome).
Le dece-tres regiones metropolitan, incluse Corsica, son subdividite in departamentos administrative con le prefecto in capite a cata uno. Le prefecto departamental de cata capital regional age etiam como prefecto del region ipse. Le regiones ultramarin consiste de un sol departamento cata uno, e ha, pro isto, anque le stato de departamento ultramarin.
Le majoritate del regiones administrative ha etiam le stato de collectivitates territorial regional, que include un governamento local, con collectivitates departmental e communal sub le nivello del region. Le exceptiones son Corsica, Guiana francese, Mayotte e Martinica, ubi le functiones del region e del departamento son gerite per un sol governamento local con jurisdiction consolidate, e son cognoscite como collectivitates territorial unic.
Lista del regiones del Francia metropolitan:
- Hauts-de-France, Alte Francia
- Auvergne-Rhône-Alpes, Alvernia-Rhodano-Alpes
- Bourgogne-Franche-Comté, Burgundia-Franc Contato
- Bretagne, Britannia
- Centre-Val de Loire, Centro-Val de Loira
- Corse, Corsica
- Grand Est, Grande Est
- Île-de-France, Insula de Francia
- Normadie, Normandia
- Nouvelle Aquitaine, Nove Aquitania
- Occitanie, Occitania
- Pays de la Loire, Pais del Loira
- Provence-Alpes-Côte d’Azur, Provencia-Alpes-Costa Azur o PACA
Lista del regiones de ultramar:
- Guadeloupe, Guadalupe
- Guyane, Guyana
- Martinique, Martinica
- Mayotte, Mayotte
- La Réunion, Le Reunion