Universidade de California, Berkeley
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde abril de 2024.) |
A Universidade de California, Berkeley (tamén coñecida como Cal, University of California, UC Berkeley, UCB, ou simplemente Berkeley) é unha universidade pública mixta localizada en Berkeley, ao leste da baía de San Francisco, no estado de California. É a matriz e a máis antiga dos campus da Universidade de California, ademais de ser a máis prestixiosa. UC Berkeley non é só considerada líder en investigación, senón tamén unha das mellores universidades do mundo (segundo lugar en xeral segundo UK Times Higher Education Supplement Primeiro lugar en universidades publicas no mundo). Ademais, o seu campus é famoso pola vista que ten da ponte Golden Gate. Todas as facultades que imparten formación de posgraduado (desde mestrado até doutoramento) figuran entre as dez mellores do país. Como outras grandes universidades estatais, Berkeley ten unha reputación lixeiramente inferior á de centros privados como a Universidade Harvard, a Universidade Yale, a Universidade de Princeton, e a Universidade Stanford.
Cada ano, máis de 8.500 estudantes reciben algún certificado, xa sexan 5.500 licenciaturas, 2.000 mestrados, 900 doutoramentos ou 200 doutoramentos en dereito.
Historia
[editar | editar a fonte]En 1866 a propiedade na cal esta localizada a universidade foi mercada por Henry Durant co obxectivo de construír unha escola privada. Dados os problemas financeiros de Durant, este aceptou a intromisión do estado de California. O resultado de tal acción foi a unión do proxecto inicial cunha escola pública que o goberno impulsara. De tal mestura xurdiu a universidade tal como se coñece.
Inaugurada en Oakland en 1868, a nova facultade mudouse para a súa localización actual cinco anos despois trala construción dos primeiros edificios do campus. Nese momento o corpo estudantil consiste en 167 homes e 222 mulleres.
A universidade recibiu atención mundial pola primeira vez durante principios e mediados do século XX, cando experimentou unha época dourada nas ciencias físicas, químicas e biolóxicas. Algúns dos descubrimentos máis abraiantes asociados co campus desa época foron o achado de catorce elementos químicos mais pesados que o uranio e o illamento do polio. O xefe do Proxecto Manhattan, J. Robert Oppenheimer, era catedrático de física en Berkeley. Descubrimentos máis recentes inclúen o desenvolvemento da tecnoloxía clave asociada co Internet e o movemento de programas en liña gratuítos (fonte aberta).
En 1952 a universidade obtivo un nivel de autonomía do comité central da Universidade de California. Esta independencia parcial tamén foi outorgada ás outras universidades do sistema.
Debido ao movemento a favor da libre expresión e a oposición á guerra de Vietnam, movementos que mudaron o panorama moral e político dos 60, a Universidade cobrou unha fama que a converteu no centro máis famoso da esquerda universitaria estadounidense. É recoñecida culturalmente nos EUA polo seu activismo, esquerdismo e vangardismo.
Persoas destacadas visitaron para dar charlas ou cursos, como Martin Luther King, Jr., Daniel Ellsberg, o documentalista Michael Moore ou Robert Reich, (Ministro de Traballo no goberno de Bill Clinton). Contou con varios premios Nobel na súa planta académica, como Czesław Miłosz ou Glenn Seaborg.
 |
Wikimedia Commons ten máis contidos multimedia na categoría: Universidade de California, Berkeley  |
| Control de autoridades |
|
|---|
