Soiuz 23
| Soiuz 23 | |
|---|---|
 Selo postal adicado á Soiuz 23 | |
| Tipo | Tripulada |
| Data de lanzamento | 14 de outubro de 1976, 17:39 GMT[1][2][3][4] |
| Foguete portador | Soiuz 11A511[2][5] |
| Sitio de lanzamento | Cosmódromo de Baikonur[2][6] |
| Duración da misión | 2 días[6] |
| Obxectivo da misión | Acoplamento coa estación espacial Saliut 5.[2][6] |
| Regreso | 16 de outubro de 1976[1][6] |
| NSSDC ID | 1976-100A |
| Masa | 6570,0 kg[2][5][6] |
Soiuz 23 foi unha misión espacial tripulada soviética lanzada o 14 de outubro de 1976 mediante un foguete Soiuz 11A511 desde o cosmódromo de Baikonur.[2][3][5]
Características
[editar | editar a fonte]Soiuz 23, unha Soiuz modelo 7K-T cos cosmonautas Valeri Rozhdestvenski e Viacheslav Zudov a bordo, foi lanzada para acoplarse coa estación espacial militar Saliut 5. Despois de entrar en órbita e achegarse á estación a nave foi incapaz de acoplarse debido a uns sensores defectuosos que indicaban unha velocidade lateral irreal, co que os propulsores intentaban corrixir constantemente un desvío inexistente. Tras varios intentos a tripulación apagou o sistema automático, pero xa non quedaba propelente para intentar un acoplamento manual, co que a nave tivo que volver a terra. A reentrada atmosférica foi normal pero a Soiuz descendeu sobre o lago Tengiz no medio dunha tormenta de neve, con temperaturas de ata -20 °C. O paracaídas, mollado, arrastrou a cápsula tripulada baixo a superficie xeada, arrefriándoa. Os equipos de rescate intentaron chegar ata a cápsula mediante vehículos anfibios, sen logralo. A solución para sacala foi atala mediante un cable, levado baixo a superficie por medio de mergulladores, a un helicóptero que a arrastrou durante quilómetros a través da auga xeada ata terra. Os dous cosmonautas conseguiron saír pola mañá, para sorpresa dos rescatadores, que os daban por mortos.[2][3][4][5]
Véxase tamén
[editar | editar a fonte]Outros artigos
[editar | editar a fonte]Notas
[editar | editar a fonte]- 1 2 N2YO (2017). Real Time Satellite Tracking, ed. "SOYUZ 23" (en inglés). Consultado o 6 de setembro de 2017.
- 1 2 3 4 5 6 7 NASA (21 de marzo de 2017). "Soyuz 23" (en inglés). Consultado o 6 de setembro de 2017.
- 1 2 3 "Note verbale dated 30 November 1976 from the Permanent Mission of the Union of Soviet Socialist Republics to the United Nations addressed to the Secretary-General" (PDF) (76-26032). 6 de decembro de 1976: 2. Consultado o 6 de setembro de 2017.
- 1 2 Claude Lafleur (2017). "Soyuz 23" (en inglés). Consultado o 6 de setembro de 2017.
- 1 2 3 4 Gunter Dirk Krebs (2017). Gunter's Space Page, ed. "Soyuz 14, 15, 20, 23, 24, 30 (7K-T, 11F615A9)" (en inglés). Consultado o 6 de setembro de 2017.
- 1 2 3 4 5 Mark Wade (2017). "Soyuz 23" (en inglés). Consultado o 6 de setembro de 2017.
