Sober

Para outras páxinas con títulos homónimos véxase: Sober.

Sober
Nome oficial    Sober (gl)
Vista da vila de Sober
Instancia de concello de Galicia  Parte de comarca de Terra de Lemos  Lista do elemento eleccións municipais en Sober
Implicados  Xefe do goberno Cargo: alcalde de Sober Luis Fernández Guitián
Localización  Situado en  provincia de Lugo, Galicia, España  Capital Sober  Comparte fronteira con Pantón A Teixeira Parada de Sil O Castro de Caldelas Monforte de Lemos Nogueira de Ramuín  OpenStreetMap  Coordenadas 42°27′43″N 7°35′13″O
Cifras e dimensións  Poboación 2.090 (2025) 2.469 (2013) 2.478 (2012) 2.516 (2011) 2.599 (2010) 2.681 (2009) 2.749 (2008) 2.836 (2007) 2.895 (2006) 2.972 (2005) 2.988 (2004) 3.009 (2002) 3.077 (2001) 2.453 (2014) 2.400 (2015) 2.375 (2016) 2.338 (2017) 2.301 (2018) 2.312 (2019) 2.260 (2020) 2.243 (2021) 2.213 (2022) 2.178 (2023) 2.129 (2024)  Poboación feminina    1.175 (2019)  Poboación masculina    1.137 (2019)  Superficie    133,35 km²  Altitude    600 m  Fuso horario    UTC+01:00
Códigos e identificadores Código postal 27460 Código INE 27059 OpenStreetMap 345120 Freebase /m/0fgd1x
Fontes e ligazóns  Páxina WEB concellodesober.com
Wikidata G:Commons C:Commons

Sober é un concello da provincia de Lugo, pertencente á comarca de Terra de Lemos e parte da Ribeira Sacra. Segundo o Padrón municipal de habitantes a súa poboación en 2018 era de 2.301 persoas. O xentilicio é soberés.

Toponimia

O topónimo Sober é un antropotopónimo derivado do nome Superus ou Superius, a través da forma en xenitivo (villa) Superii. Aparece documentado como Superi en documentación de 1075 e 1099 do mosteiro de Santa María de Ferreira de Pantón.

Xeografía

O concello de Sober ten unha superficie de 134 km² e atópase na Terra de Lemos, no sur da provincia de Lugo, entre os cursos dos ríos Cabe e Sil, que fan de fronteira física polo oeste e sur, respectivamente. Limita cos concellos de Monforte de Lemos ao norte e leste, Pantón ao oeste e Nogueira de Ramuín, Parada de Sil, A Teixeira e Castro Caldelas ao sur.

A capital municipal dista 77 km da capital de provincia, Lugo, e atópase a uns 600 m de altitude.

Demografía

Censo total	2.301 (2018)
Menores de 15 anos	155 (6,74 %)
Entre 15 e 64 anos	1.125 (48,89 %)
Maiores de 65 anos	1.021 (44,37 %)

Economía

O sector primario está centrado na gandería bovina criada para consumo, a cría porcina e en menor medida, ovina.

A agricultura representa o 37% da superficie, orientada ao cultivo de cereais, patacas e primordialmente, a vide. O 58% da superficie é de masa forestal, piñeiros e carballos e mata.

A industria ocupa ao 15% da poboación, concentrándose en entidades de pequeno tamaño ou familiar orientadas principalmente á elaboración de viño. Destaca a produción de material de construción en Canabal e a olería artesá de Gundivós. Outros centros están dedicados á manufactura téxtil (calcetíns) e á fabricación de ferramentas e equipos de labor (cerraxería e máquinas de sulfatado).

O sector servizos aglutínase en torno aos servizos municipais e administrativos e aos establecementos comerciais. Cada quince días ten lugar a feira, coa mesma frecuencia có mercado de produtos.

Viño de Amandi

Sober atópase na rexión vinícola da Denominación de Orixe Ribeira Sacra, albergando a produción da subzona de viños de Amandi e a da ribeira do río Cabe.

Existen arredor de 300 produtores e 29 adegas inscritas no consello regulador. Un centro de embotellado industrial permite a comercialización da marca de viño de Rectoral Amandi.

Cada domingo de Ramos, celébrase en Sober a Feira do viño de Amandi.

Historia

Mapa das parroquias de Sober.

Consérvanse mámoas do megalítico en distintos lugares, así como restos da cultura castrexa.

Durante o período do Imperio Romano a Vía Nova, que enlazaba Astorga con Braga, atravesaba a zona.

Da constitución do reino dos suevos permanecen os topónimos de varias parroquias.

No 785 o bispo Odoario de Lugo fundou a vila de Amandi.

Patrimonio histórico e artístico

• A Casa grande de Rosende é un pazo datado en 1511, situado na parroquia de Rosende. Tamén era coñecido na comarca como A Casa das Señoritas. Foi rehabilitada a finais do século XX e na actualidade funciona como casa de turismo rural non sendo posible a súa visita. De sobria fachada destaca a súa torre, a solaina que da cara a un patio traseiro e o seu coidado interior.

Política

Elecciones municipales
Partido	1999	2003	2007	2011	2015	2019
PPdeG	7	8	8	7	7	8
IG-Vivo						2
PSOE-PSdeG	3	2	1	2	2	1
PDDdG					2
BNG	1		2	2
Agroma		1
Total	11	11	11	11	11	11

Deporte

No concello hai dous equipos de fútbol, o CD Sober, que xoga os seus partidos en Centeás, e o CD Río Sil, que xoga no campo da Carqueixa. Os dous xogaban na tempada 2018/19 na Terceira Autonómica de Galicia.

Galería de imaxes

Artigo principal: Galería de imaxes de Sober.

• 
  Canón do Sil.
• 
  Igrexa de Rosende.

Lugares de Sober

Para unha lista completa de todos os lugares do concello de Sober vexa: Lugares de Sober. A capital municipal está na vila de Sober, na parroquia de Arroxo. A localidade da Barca (Anllo) antigamente^[cando?] pertencía á parroquia de Frontón.^{[Cómpre referencia]}

Véxase tamén

Outros artigos

• Eleccións municipais en Sober

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---