Salmón real

Salmón real
Oncorhynchus tshawytscha Johann Julius Walbaum 1792
Nome curto    O. tshawytscha (mul)
Instancia de taxon produto alimenticio  Subclase de samón do Pacífico pescado  Uso alimento game fish (en) acuicultura fishery (pt) acuario público  Categoría taxonómica especie
Características  Caracterizado por benthopelagic (en) sagrado  Fonte de alimentación terrestrial insects (en) peixe crustáceos Invertebrado  Fonte de carne de salmón Salmón afumado  Hábitat océano Pacífico Norte auga doce río océano
Clasificación taxonómica
Superreino Holozoa Reino Animalia Filo Chordata Clase Actinopteri Orde Salmoniformes Familia Salmonidae Tribo Oncorhynchini Xénero Oncorhynchus Especie Oncorhynchus tshawytscha Walbaum, 1792 Oncorhynchus tshawytscha
Cifras e dimensións  Lonxitude 150 cm 70 cm  Masa    61.4  Duración máxima da vida    9 a
Localización  Área de distribución Oregón California North West Pacific Ocean (en) Northeast Pacific Basin (en) océano Pacífico Ártico Mar do Xapón  Mapas
Códigos e identificadores Freebase /m/04hslr UNII 78376Z1G5G ITIS 161980 OTT 730762 CoL 49JFR EOL 46563139
Fontes e ligazóns  URL de xenoma secuenciado ensembl.org…
Wikidata C:Commons

O salmón real, ou salmón chinook, Oncorhynchus tshawytscha, é un peixe osteíctio da familia dos salmónidos, subfamilia dos salmoninos, que se atopa nas áreas costeiras do océano Pacífico, entre California e o Xapón.

Animal eurihalino, vive no mar e migra remontando os ríos para reproducirse (anádromo).

É moi valorado pola súa relativa escaseza.

Descrición

Cardume de salmón real.

O adulto mide entre 84 e 147 cm de lonxitude e pesa entre 25 e 60 kg.

A marca de captura en pesca deportiva é de 44,1 kg, rexistrada polo pescador Les Anderson no río Kenai, Alasca, en 1985. Na pesca comercial o récord é de 57 kg, rexistrado preto de Petersburg, Alasca nunha captura en 1949.

É de cor azul verdosa sobre o lombo e a cabeza, prateada nos flancos e branca no ventre. Presenta puntos negros na cola e na parte superior do corpo; a súa boca é gris escura.

Reprodución

Pode pasar entre tres e cinco anos no océano antes de retornar polos ríos para procrear e desovar nas augas doces onde naceron. Prefire correntes máis grandes e profundas que outras especies de salmón; a desova ocorre entre setembro e decembro.

Unha vez nas partes altas da corrente de auga doce, a femia elixe o macho co cal se reproducirá. A súa selección baséase nas dimensións físicas do macho. A femia elixe unha zona da cama do río na cal haxa grava en abundancia e alí cava un burato pouco profundo coa cola, mentres que o macho danza fronte ela e fai vibrar o seu corpo. O número de ovos de oscilan entre os 3 mil e 14 mil segundo o tamaño da femia, e o macho fertilízaos subitamente cando ela os deposita.

Ambos os pais morren tras reproducírense. De acordo coa temperatura da auga, os ovos incúbanse entre 90 e 150 días antes de nacer as crías. Despois de 12 a 18 meses os exemplares xuvenís comezan a súa migración cara ao mar.

Cambios no corpo

Durante o período da reprodución sofre algunhas transformacións morfolóxicas. Ambos os dous sexos adquiren durante este tempo unha tonalidade avermellada rechamante sobre os flancos, máis intensa nos machos, que sofren mesmo a modificación nas costas, que se elevan, e da mandíbula inferior, que curva cara a arriba e impide que a boca se peche. Este crecemento da mandíbula volve practicamente imposible que os adultos poidan alimentarse durante a fase da reprodución, de xeito que dende que empezan a súa migración estacional cara ás fontes dos ríos para reproducírense manteñen un xaxún absoluto.

Distribución

Pesca deportiva de salmón.

Distribúese dende a baía de San Francisco en California cara ao norte seguindo a costa pacífica dos Estados Unidos, Canadá e Alasca, o estreito de Bering e o mar de Chukchi, o nororiente de Siberia, Rusia, a península de Kamchatka, as Illas Kuriles e as illas do Xapón.

En 1967 o Departamento de Recursos Naturais de Míchigan soltou salmóns reais no lago Michigan e no lago Huron para controlar a Alosa pseudoharengus unha especie invasora procedente do océano Atlántico. Despois de culminar con éxito esta implantación os salmóns reais foron levados a outros dos Grandes Lagos, onde son apreciados para a pesca deportiva.

A especie introduciuse nas costas da Patagonia chilena e a Arxentina, onde colonizou ríos e estableceu lugares estables de desova. Tamén foi levada con éxito a Nova Zelandia.

O río Yukón rexistra a máis longa ruta de migración do salmón, de máis de 3.000 km, dende o mar de Bering até as fontes preto de Whitehorse. Construíuse unha canle na presa hidroeléctrica do lago Schwatka para garantir o paso e a reprodución do salmón real en Whitehorse.

Ecoloxía

O salmón real necesita para sobrevivir:

1. alimento,
2. hábitat de desova,
3. hábitat oceánico,
4. augas frías, limpas e con osíxeno suficiente, e
5. outros salmóns

Toma do plancto para a súa alimentación diatomeas, copépodos, laminariais e macroalgas; ademais consome medusas, estrelas de mar, insectos, anfipódos, e outros crustáceos; e cando é adulto aliméntase tamén doutros peixes.

As augas limpas son esenciais para a desova. A vexetación ribeirega axuda a manter as condicións das augas para a reprodución e a vida xuvenil do salmón real.

Algunhas poboacións de salmón dos Estados Unidos están na lista de especies ameazadas, por exemplo a do Val Central de California. En abril de 2008 tanto en Oregón como en California debeu cancelarse a tempada de pesca debido á baixa poboación rexistrada. No río Sacramento a poboación da especie está ao bordo do colapso.

Na cultura

O salmón real é espiritual e culturalmente moi prezado polos pobos indíxenas amerindios das rexións onde habita orixinalmente, que celebran «cerimonias do salmón» na primavera. Foi descrito e ademais consumido con entusiasmo pola expedición de Lewis e Clark (1804-06). A importancia económica para as comunidades indíxenas e para outras poboacións é moi grande. É apreciado pola súa cor, sabor, textura e alto contido de aceites Omega-3.

Véxase tamén

Bibliografía

• Cameron, Mindy. Salmon Return; A Public Conversation About the Future of a Northwest Icon. The Seattle Times. [Seattle, WA]. 18 de agosto de 2002.
• Christie, Patrick. Lecture. 22 de abril de 2005. Vashon-Maury Islands Case Study: Incompatible Desires? Growth and Maintaining Salmon Populations in Puget Sound. University of Washington; Seattle, WA.
• Klinger, Terrie. Lecture. 15 de abril de 2005. What Defines the Pacific Northwest Marine Realm Ecologically and Geographically? University of Washington; Seattle, WA.
• Lahuerta, F. e Vázquez, F. X. (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8.
• Montgomery, David. King of Fish: The Thousand-Year Run of Salmon. Boulder, CO: Westview Press, 2003.

Outros artigos

• Salmónidos
• Salmoninos

Ligazóns externas

• Fish Passage Center, monitoring salmon spawning and migration
• Potential causes of size trends in Yukon River chinook salmon populations / prepared by the United States and Canada Yukon River Joint Technical Committee, Salmon Size Subcommittee. Hosted by the Alaska State Publications Program.
• Spawning abundance of chinook salmon in the Chickamin River in 2004 / by Glenn M. Freeman, Scott A. McPherson, and Daniel J. Reed. Hosted by Alaska State Publications Program
• Season/Timing information for King Salmon in the Great Lakes region
• The Tyee Club