A prefectura de Okinawa (en xaponés:沖縄県, おきなわけん; okinawano:Uchinā) é a prefectura localizada máis ao sur do Xapón. Consta de 169 illas que forman o arquipélago Ryukyu, nunha cadea de illas de 1000km de lonxitude, que se estende de suroeste, de Kyūshū ata Taiwán, aínda que as illas máis ao norte fagan parte da prefectura de Kagoshima. A capital de Okinawa, Naha, está localizada na parte meridional da maior e máis poboada illa do arquipélago: Okinawa Honto. As disputadas illas Senkaku son, en teoría, administradas como parte da provincia.
Debido á súa posición estratéxica entre Indonesia, Polinesia, a China, Corea e o Xapón, tornouse un posto comercial. Relatos antigos apuntan comerciantes e representantes okinawanos nas cortes imperiais da China e do Xapón.
Antes dividida en feudos, foi unificada por Sho Hashi, que se tornou rei, designando o castelo de Shuri como centro administrativo.
Invadida polo clan feudal de Satsuma, da actual Kyūshū, perdeu a independencia e o dereito de portar armas. Dise que o Karate, como arte marcial, naceu nesta época.
Na súa culinaria, diferente doutras rexións xaponesas onde o peixe é ingrediente case exclusivo, utiliza tamén, frecuentemente, a carne de porco e cabrito.
