Mircea Cărtărescu

Mircea Cărtărescu

(2024)
Biografía
Nacemento	1 de xuño de 1956 (70 anos) Bucarest
Educación	Faculty of Letters (Bucharest University) (en) - Doutor en filosofía (–1999) Cantemir Vodă National College (en)
Director de tese	Paul Cornea
Actividade
Campo de traballo	Escrita creativa e profesional, ciencia ficción, poesía, crítica literaria, xornalismo e literatura de ciencia ficción
Ocupación	escritor, xornalista, prosista, profesor universitario, poeta, crítico literario, escritor de ciencia ficción, especialista en literatura
Empregador	Universität Stuttgart Universidade de Bucarest
Movemento	Posmodernismo
Influencias	Gabriel García Márquez
Familia
Cónxuxe	Ioana Nicolaie
Premios
(2024)  Order of Honour (en) (2022, 2022)  Premio FIL de Literatura en Linguas Romances (2018)  Premio Thomas Mann (2015)  Premio Austríaco de Literatura Europea (2015)  Leipzig Book Award for European Understanding (en) (2011)  Vilenica Prize (en)  Commander of the Order of Faithful Service (en)

Mircea Cărtărescu, nado en Bucarest o 1 de xuño de 1956, é un novelista, poeta, crítico literario e ensaísta romanés.

Traxectoria

Nado en Bucarest en 1956, estudou no Cantemir Vodă National College a comezos da década de 1970. Durante os seus estudos, foi membro dos grupos literarios dirixidos por Nicolae Manolescu e Ovid S. Crohmălniceanu. Como moitos adolescentes da súa xeración, recibiu a influencia da contracultura estadounidense dos sesenta, entre os que se inclúen músicos coma Bob Dylan, Jimi Hendrix ou The Doors. As súas primeiras poesías datan de 1978.

Posteriormente, ingresou na Universidade de Bucarest para estudar Lingua e Literatura Romanesas. Graduouse en 1980 cunha tese que se convertería no seu primeiro estudo sobre poesía, Visul chimeric (en galego: O soño quimérico). Ese mesmo ano, algúns dos seus traballos publicáronse na editorial Cartea Românească.

Entre 1980 e 1989 foi profesor de lingua romanesa, e logo traballou para a Unión de Escritores de Romanía e como editor da revista Caiete Critice. En 1991 foi nomeado docente da cátedra de Historia da Literatura Romanesa na súa alma máter. A data de 2010 continúa a traballar alí. Entre 1994 e 1995 foi profesor visitante da Universidade de Amsterdam, e tamén o foi da de Stuttgart. En 2012 recibiu o International Literature Award pola súa novela Corpul (en galego: O corpo).

Cărtărescu está casado coa poeta Ioana Nicolaie, coa que tivo un fillo.