Igrexa ortodoxa romanesa
| Igrexa ortodoxa romanesa | |||||||||||
|---|---|---|---|---|---|---|---|---|---|---|---|
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| Wikidata C:Commons | |||||||||||
A Igrexa ortodoxa romanesa (Biserica Ortodoxă Română en romanés) é unha das igrexas autocéfalas integradas na comuñón ortodoxa.
Historia
[editar | editar a fonte]No Reino de Romanía
[editar | editar a fonte]En 1859, a unión dos principados de Moldova e Valaquia resultou no nacemento do moderno estado romanés. Xa que a organización territorial das Igrexas ortodoxas tende a seguir a do estado, en 1872 as metrópoles ortodoxas dos antigos principados, a metrópole de Ungro-Valaquia e a metrópole de Moldova, uníronse para formar a Igrexa ortodoxa romanesa.
A constitución romanesa de 1866 declarou á Igrexa ortodoxa "independente de calquera xerarquía estranxeira", e unha lei aprobada en 1872 declarou á Igrexa como "autocéfala". Logo dun longo período de negociacións co patriarcado Ecuménico de Constantinopla, baixo o que estaban ditas metrópoles, este recoñeceu finalmente á Metrópole de Romanía en 1885, que foi elevada ao rango de patriarcado en 1925.
Estrutura
[editar | editar a fonte]A Igrexa ortodoxa romanesa estrutúrase como un patriarcado, o patriarcado de Romanía. O patriarcado está organizado en varias metrópoles, que á súa vez están divididas en dioceses e arquidioceses. Cada unha das metrópoles está encabezada por un metropolita, que é ao mesmo tempo o arcebispo dunha das arquidioceses.
As metrópoles, arquidioceses e dioceses en Romanía son as seguintes:
- Metrópole de Muntenia e Dobruia
- Metrópole de Moldova e Bucovina
- Metrópole de Transilvania
- Metrópole de Cluj, Alba, Crişana e Maramureş
- Metrópole de Oltenia
- Metrópole de Banat
Nos países lindeiros e na diáspora, as xurisdicións son as seguintes:
Teólogos famosos
[editar | editar a fonte]- Padre Dumitru Stăniloae (1903 - 1993) foi un dos máximos teólogos romaneses[1] e autor da Filocalia.
- Padre Arsenie Boca (1910 - 1989), monxe, teólogo e artista.
- Padre arquimandrita Cleopa Ilie (1912 - 1998), decano do Monasterio Sihastria.
Demografía
[editar | editar a fonte]Pertencen a ela a maioría dos romaneses (o 86,8% da poboación de Romanía de acordo co censo de 2002[2]). Polo número de fieis (20 millóns entre Romanía, Moldova e a diáspora), é a segunda das igrexas ortodoxas autocéfalas, só por detrás da Igrexa ortodoxa rusa.
Os fieis da Igrexa ortodoxa romanesa a miúdo refírense a ela como Dreapta credinţă ("crenza correcta, auténtica", nome semellante ao grego Ορθος δοξος, "crenza correcta, recta").
Notas
[editar | editar a fonte]- ↑ "Pe scurt, 30 decembrie 2008, Ciprian Bâra, Ziarul Lumina". Arquivado dende o orixinal o 06 de xuño de 2015. Consultado o 28 de marzo de 2015.
- ↑ "Datos sobre relixión do censo de 2002" (PDF). Arquivado dende o orixinal (PDF) o 26 de maio de 2006. Consultado o 31 de decembro de 2009.
