O Diario SPORT é un xornal de prensa deportiva, de pago, e distribución matinal, editado en Barcelona.
Segundo os datos do estudo da Oficina de Xustificación da Difusión (OJD) de decembro de 2005, ten unha tiraxe media de 176462 exemplares diarios, e unha difusión media de 114682 exemplares diarios. Estes datos convérteno no primeiro diario deportivo máis vendido en Barcelona e o terceiro de España, por detrás do Diario Marca e do Diario As, editados en Madrid e por diante de Mundo Deportivo, tamén editado en Barcelona. O Diario Sport pertence ao Grupo Zeta, empresa editora de El Periódico de Cataluña e de revistas como Tiempo ou Interviú.
Ideoloxicamente autodefínese como o xornal dos afeccionados ao Futbol Club Barcelona. O seu slogan comercial en catalán é "Sempre amb el Barça" (en galego, sempre co Barça).
