An Daingean

An Daingean
	Nome orixinal Dingle (en) ; Daingean Uí Chúis (ga)
	Nome orixinal Dingle (en) ; Daingean Uí Chúis (ga)
	Instancia de asentamento; Gaeltacht
	Parte de Península de Dingle (pt)
Localización
	Situado en Condado de Kerry, Munster, Irlanda
	Situado na entidade xeográfica Irlanda; océano Atlántico
	Irmandado con Tolfa (pt) ; Santa Bárbara
	Coordenadas 52°08′35″N 10°16′36″O / 52.143, -10.2768
Cifras e dimensións
	Superficie 3,3 km²
	Altitude 1 m
	Fuso horario UTC±00:00
VIAF
Códigos e identificadores
VIAF
VIAF	126650992
Freebase	/m/01t26_
Fontes e ligazóns
	Descrito pola fonte Encyclopædia Britannica "1911 Encyclopædia Britannica/Dingle (en) " ;
	Wikidata G:Commons C:Commons

An Daingean (en irlandés e oficialmente, e tamén en irlandés: Daingean Uí Chúis; adaptado ao inglés: Dingle) é unha localidade do Condado de Kerry, na costa atlántica de Irlanda, a uns 50 km ao suroeste de Tralee e uns 80 km ao noroeste de Killarney. A vila está situada nunha baía natural baixo a montaña Slievanea, na península de An Daingean, co río Shannon ao norte, e o Anel de Kerry ao sur.

As principais actividades da zona son o turismo, a pesca, a gandería e a agricultura. En 2006 An Daingean tiña unha poboación de 1.920 habitantes. An Daingean está situada nun Gaeltacht.

Durante moito tempo An Daingean foi unha vila remota, mais agora é un activo porto pesqueiro e un importante centro turístico.

Fungi, o golfiño de An Daingean

En 1984 un golfiño comezou a frecuentar a zona do porto de An Daingean, converténdose nunha atracción para os visitantes. Calcúlase que naceu contra mediados da década de 1970, cunha esperanza de vida de 25 anos para a súa especie. Ten adicada unha escultura en bronce en An Daingean.

Lugares de interese

A igrexa neogótica de An Daingean, St. Mary, foi construída segundo o proxecto de J. J. McCarthy e O'Connell. A primeira pedra foi colocada en 1862.

Hai moitas posibilidades de escoitar música tradicional irlandesa na vila, especialmente no verán, na tempada de turismo. Tamén hai un acuario na vila e bo número de tendas de artesanía.

Poden tamén visitarse nos arredores os xacementos arqueolóxicos da península de An Daingean.