Sirið Stenberg
| Sirið Stenberg | |
|---|---|
 | |
| Landsstýriskvinna í uttanríkis- og mentamálum | |
| Í embæti 1. desember 2025 – 13. apríl 2026 | |
| Landsstýriskvinna í uttanríkis- og vinnumálum | |
| Í embæti 10. mars 2025 – 1. desember 2025 | |
| Landsstýriskvinna í almanna- og mentamálum | |
| Í embæti 22. desember 2022 – 10. mars 2025 | |
| Landsstýriskvinna í heilsu- og innlendismálum | |
| Í embæti 14. september 2015 – 16. september 2019 | |
| Forkvinna í Tjóðveldi | |
| Núverandi | |
| Tók við starvinum 2. november 2024 | |
| Undanmaður | Høgni Hoydal |
| Løgtingskvinna | |
| Núverandi | |
| Tók við starvinum 29. oktober 2011 | |
| Persónlig kunning | |
| Fødd(ur) | mai 26, 1968 |
| Politiskur flokkur | Tjóðveldi |
| Útbúgving | sjúkrarøktarfrøðingur |
Sirið Stenberg (fødd 26. mai 1968) úr Vági er føroyskur politikari. Sirið hevur nomið sær útbúgving sum sjúkrarøktarfrøðingur í 1994, sum sjúkrarøktarfrøðingur í neonatalogi í 1998 og sum heilsufrøðingur í 2001. Áðrenn hon fór í løgtingið, starvaðist hon sum heilsusystir í Suðuroynni.
Politisk lívsleið
[rætta | rætta wikitekst]Hennara yrkisleið innan føroyskan politikk byrjaði, tá hon varð vald í Vágs Býráð á býráðsvalinum í 2008 og tók sæti 1. januar 2009. Hon varð afturvald í 2012 og sat í Vágs Býráð til 2016, tá hon ikki stillaði upp aftur.
Hon varð vald á Føroya Løgting á fyrsta sinni fyri Tjóðveldi á Løgtingsvalinum í 2011 við 320 persónligum atkvøðum. Hon varð afturvald á løgtingsvalinum í 2015 við 755 persónligum atkvøðum. Tá Tjóðveldi kom í landsstýrið, varð hon útnevnd landsstýriskvinna í heilsu- og innlendismálum. Hon røkti landsstýrissessin alt valskeiðið.[1]
Hon varð afturvald á løgtingsvalinum í 2019 við 493 persónligum atkvøðum, og á løgtingsvalinum í 2022 við 455 persónligum atkvøðum. Tá Tjóðveldi aftur kom í landsstýrið, varð hon útnevnd landsstýriskvinna í almanna- og mentamálum.[1]
Tá ið Høgni Hoydal legði frá sær sum formaður í Tjóðveldi eftir at hava verið formaður í mong ár, varð hon vald til forkvinnu í Tjóðveldi 2. november 2024.
Valskeiðið frá 2022 til 2026 var heldur baldrut, og landsstýrið varð umskipað tvær ferðir. Tí var hon landsstýriskvinna í uttanríkis- og vinnumálum frá mars til desember 2025 og síðani landsstýriskvinna í uttanríkis- og mentamálum frá desember 2025 til apríl 2026.
Hon varð afturvald á løgtingsvalinum í 2026 við 567 persónligum atkvøðum.
Frítíðarítriv
[rætta | rætta wikitekst]Sirið hevur verið virkin í Kirkjukórinum Ljómur í fleiri ár, seinastu árini hevur hon verið forkvinna í Ljómi.[2] Hon hevur eisini verið nevndarlimur í Ruth Smith Savninum í Vági.
Privat
[rætta | rætta wikitekst]Sirið Stenberg er gift við Jón Paula Olsen, saman eiga tey trý børn. Sirið er dóttir Ásgerð Stenberg, sum er fyrrverandi býráðslimur, og Flemming Stenberg.
Keldur
[rætta | rætta wikitekst]- 1 2 "Hesi manna nýggja landsstýrið". 22. desember 2022. https://portal.fo/dagur-69698/hesi-manna-nyggja-landsstyrid.grein.
- ↑ "Ljomur.com, Nevndin". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2013-09-19. https://web.archive.org/web/20130919021307/http://ljomur.com/Nevndin.html. Heintað 2012-02-13.
