Kike Turmix
| Kike Turmix | |
|---|---|
 | |
| Bizitza | |
| Jaiotza | Bilbo, 1957ko ekainaren 24a |
| Herrialdea |  Bizkaia, Euskal Herria |
| Heriotza | Madril, 2005eko urriaren 17a (48 urte) |
| Heriotza modua | berezko heriotza: gibeleko minbizia |
| Familia | |
| Haurrideak | ikusi
|
| Hezkuntza | |
| Hizkuntzak | gaztelania ingelesa |
| Jarduerak | |
| Jarduerak | abeslaria, enpresaburua eta kazetaria |
| Kidetza | The Pleasure Fuckers |
| Izengoitia(k) | Kike Turmix |
| Genero artistikoa | punk garage rock |
| Musika instrumentua | ahotsa |
  | |
Enrique Vitoria Kormenzana, ezizenez Kike Turmix bezala ezagunagoa, (Deba, 1957ko ekainaren 24a – Madril, 2005eko urriaren 17a) rock abeslari eta musika sustatzailea izan zen.[1]
Jatorri debarra
[aldatu | aldatu iturburu kodea]Debako familiarekin lotura estua zuen. Aita, Isidro Vitoria, Debako danborradako danbor nagusia izan zen; Txema Vitoria anaia matematikaria eta pailazoa zuen;[2] eta beste anaia apaiza eta Derioko Apaizgaitegiko nagusia izan zen. Bere lehen musika taldea ere bertan izan zuen, "Dessakato" izenekoa.[3]
Bilbotik Madrilera
[aldatu | aldatu iturburu kodea]Gaztetandik Bilbon bizi izan zen. Debako zentral nuklearraren proiektuaren aurka aritu zen[3] eta POUM alderdian militatu zuen.[4] Bere lehen taldea "Kike Turmix y los Pasapurés" izan zen. 1979 inguruan, punk mugimendua zabaltzen hasi zenean, lagun batzuekin N-634 taldea osatu zuen. 1982 inguruan Rafa taldekidearekin batera Madrilera joan zen, eta bertan N-634 taldea berrosatu zuten,[5] bilduma pare batean parte hartuz: “¿Punk? ¿Qué Punk?” ('Soy un loco anarquista, soy un loco antifascista' eta 'Masacre en Beirut' kantuekin) eta “Navidades Radioactivas” (DRO) ('Manzana sobre manzana' kantuarekin).[6][7]
DJ eta sustatzaile
[aldatu | aldatu iturburu kodea]N-634 taldeak iraupen gutxi izan zuen, baina Turmixek garage-rock giroan ospea lortu zuen, Malasaña auzoko tabernetan musika jartzen,[6] edo sustatzaile bezala.[1] Movida Madrileñaren sasoian “Los 20 Lácteos” fanzinea argitaratu zuen,[6] eta La Edad de Oro TB saioarekin kolaboratu zuen. Bere kontaktu ugariei esker, kontzertu asko lotu zituen: Hot Pants (Manu Chaoren lehen taldea) ekarri zituen Madrilera, eta Eskandinabiako rock talde mugimendua “deskubritu” zuen (Nomads, Hellacopters, Turbonegro, Backyard Babies...). Sustatze-lanetaz gain, bere enpresak (Safety Pins) talde askoren diskak ere argitaratu zituen,[1] Marga emaztearen parte hartze esanguratsuarekin.[6]
The Pleasure Fuckers
[aldatu | aldatu iturburu kodea]1988an, The Pleasure Fuckers taldearekin eskenatokietara itzuli zen; Europa eta Amerika osoan kontzertuak ematen ibili ziren, eta sei disko grabatu zituzten, 1999an desegin arte.[6]
Undergroundaren ikurra
[aldatu | aldatu iturburu kodea]Madrilgo undergroundaren ikur bihurtua, Matador (1986) edo ISI/DISI (2004) bezalako pelikuletan kameoak egin zituen. 2000 inguruan Ruta 66 aldizkariarekin kolaboratu zuen.[1]
Euskaltasuna
[aldatu | aldatu iturburu kodea]
Bizimodua Madrilen izan arren, Euskal Herriarekin harremana mantendu zuen, bai familiarekin baita musika munduan ere: RIP eta Eskorbuto taldeei disko konpartitua grabatzea ahalbidetu zien (Zona Especial Norte, 1984);[8][9] eta Eskorbutokoak lege antiterrorista pean atxilotuak izan zirenean, haien aldeko gestioetan aritu zen.[10] Bere euskaltasuna agerian eramateko zalea zen;[11] eta Euskal Diaspora Taldeko partaide aktiboa izan zen.
Heriotza
[aldatu | aldatu iturburu kodea]Azken urteetan, osasun arazoei estuasun ekonomikoak gehitu zitzaizkion; azkenik, garapen bizkorreko are-minbizi batek heriotza ekarri zion, 48 urte zituela.[1]
Erreferentziak
[aldatu | aldatu iturburu kodea]- 1 2 3 4 5 (Gaztelaniaz) País, Ediciones El. (2005-10-18). «Kike Turmix, cantante y promotor de la movida» El País ISSN 1134-6582. (kontsulta data: 2018-11-28).
- ↑ «Txema Vitoria (payaso). Domingo de baño y pintxos en la playa de Deba. El Correo» www.elcorreo.com (kontsulta data: 2018-11-28).
- 1 2 «Rebelion. Kike Turmix se quema» www.rebelion.org (kontsulta data: 2018-11-29).
- ↑ ZARATA, Iñaki. 2005. Fallece en Madrid Kike Turmix, agitador rockero nacido en Deba. El Diario Vasco, 2005-X-19.
- ↑ (Ingelesez) «MIERDA DE BIZKAIA Y SUS GRUPOS PUNKS MAQUETEROS 1977-1989 [5ª edición»] DDT Banaketak (kontsulta data: 2025-06-02).
- 1 2 3 4 5 (Gaztelaniaz) «Kike Turmix, gogogan zaitugu. - Tortuga» www.grupotortuga.com (kontsulta data: 2018-11-28).
- ↑ Www.nuevaola80.com. «Se fueron. Obituario Nuevaola80: Kike Turmix» Se fueron. Obituario Nuevaola80 (kontsulta data: 2018-11-29).
- ↑ ARTEAGA, Josu. 1995. RIP: un pogo contra el SIDA. El Tubo 65:10.
- ↑ URIACH, Judit. ALONSO, Fernando. 2018. Larga vida a R.I.P. Ed. Tóxico Records + El Lokal. Associació cultural El Raval. Barcelona. ISBN: 978-84-09-04339-2
- ↑ (Gaztelaniaz) «Eskorbuto, de su «Maldito país, España» al «A la mierda el País Vasco»» Jot Down Cultural Magazine 2014-01-16 (kontsulta data: 2018-11-28).
- ↑ Faibistes. (2011-02-21). «Me Teneis Contento: Kike Turmix» Me Teneis Contento (kontsulta data: 2018-11-28).
| Autoritate kontrola |
|
|---|
Datuak: Q59268766