Jyoti Singh Pandey
| Jyoti Singh Pandey | |
|---|---|
| Bizitza | |
| Jaiotzako izen-deiturak | Jyoti Singh Pandey |
| Jaiotza | Delhi, 1989 |
| Herrialdea |  India |
| Heriotza | Singapur, 2012ko abenduaren 28a (22/23 urte) |
| Heriotza modua | Feminizidioa |
| Jarduerak | |
| Jarduerak | fisioterapeuta |
| Izengoitia(k) | Amanat |
Jyoti Singh Pandey, (Delhi, India, 1989 - Singapur, 2012ko abenduaren 28a) fisioterapiako pasantea, bortxaketaren eta hilketaren biktima izan zen Delhiko talde-bortxaketa kasu ospetsuan 2012an. Kasu hori 2012ko abenduaren 16an gertatu zen, Munirka auzoan, New Delhiko hegoaldean, pertsona talde batek 23 urteko Jyoti kolpatu eta bortizki bortxatu zuenean autobus batean, bere kide Awindra Pratap Pandeyrekin bidaiatzen ari zela. Honek zauri larriak izan zituen, baina bizirik atera ahal izan zen.[1]
Kasua
[aldatu | aldatu iturburu kodea]
Jyoti eta Awindra autobusez zihoazen pelikula bat ikusi ondoren. Ibilgailuko beste sei bidaiariak, Mukesh Singh, Vinay Sharma, Akshay Thakur, Pawan Gupta eta Mohammed Afroz, 17 urtekoak, eta Ram Singh gidaria barne, bikotea beldurtzen hasi ziren, Awindra burdinazko barra batez joz eta gero ahoa estaliz. Ondoren, Jyoti arrastaka eraman zuten autobusaren atzealdera, eta behin eta berriz kolpatu eta bortxatu zuten, Ram Singhek bolantean jarraitzen zuen bitartean. Medikuen txostenen arabera, emakumeak zauri larriak izan zituen sabelean, hesteetan eta organo genitaletan, batez ere, herdoildutako burdin barra bat erabili zutelako barrura sartzeko.[2] International Business Times egunkariaren arabera, poliziaren bozeramaile batek esan zuen erasotzailerik bortitzena adingabe bat izan zela, 17 urtekoa.[3][4]
Gertakaria izan eta hamahiru egunera, Jyoti bere zauri larrien ondorioz hil zen Singapurren larrialdiko tratamendu bat jasotzen ari zela. Inplikatutako guztiak atxilotu eta sexu-erasoagatik eta hilketagatik akusatu zituzten.[5] Ram Singh hilik aurkitu zuten komisarian. Argitaratutako txosten batzuen arabera, Ram Singhek bere burua urkatu zuela esan zuen poliziak, baina defentsa abokatuek eta bere familiak hil egin zutela argudiatu dute.[6] Mohammed Afrozen adina zela eta, ez zuten heldu gisa epaitu eta adingabeen auzitegi batek epaitu zuen. Hiru urteko kartzela-zigorra ezarri zioten, eta gaur egun aske dago.
2020ko martxoaren 20an, heriotzara zigortutako erasotzaileetako lau, Mukesh Singh, Vinay Sharma, Akshay Thakur eta Pawan Gupta, urkatuta exekutatu zituzten Indiako hiriburuko presondegian.
Zineman
[aldatu | aldatu iturburu kodea]Kasua eta sortu zuen herri haserrea inspirazio iturri izan zituen Sandhya Suri zine-zuzendari eta jatorri indiarreko gidoilari britainiarrak, 2024an estreinatutako Santosh (Krimen baten sekretua) filmerako.[7]
Erreferentziak
[aldatu | aldatu iturburu kodea]- ↑ (Ingelesez) «IAP condoles death of Delhi gang-rape victim» Zee News (kontsulta data: 2025-11-14).
- ↑ (Ingelesez) «Rape survivor airlift was govt., not medical, decision» The Hindu 2012-12-27 ISSN 0971-751X. (kontsulta data: 2025-11-14).
- ↑ ««Delhi Gang Rape: Youngest Attacker 'Ripped out Victim's Intestines with Bare Hands'»» www.webcitation.org (International Business Times UK) (kontsulta data: 2025-11-14).
- ↑ «Delhi gangrape: Accused had tried to mow down braveheart under bus, male friend saved her». CNN-IBN. Press Trust of India..
- ↑ (Ingelesez) &. (2013-03-11). «Delhi gang-rape main accused Ram Singh found hanging» The Hindu ISSN 0971-751X. (kontsulta data: 2025-11-14).
- ↑ (Ingelesez) «Delhi rape accused found dead in prison» BBC News 2013-03-11 (kontsulta data: 2025-11-14).
- ↑ (Gaztelaniaz) Mijangos, Eduardo Aragón. (2025-01-21). «'Santosh' (Secreto de un crimen): la ganadora a Mejor Guion en el Festival de Sevilla» Vagabunda Mx (kontsulta data: 2025-11-14).
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]
Datuak: Q18041671