Poŝtejo
| Poŝtejo | ||
|---|---|---|
 | ||
tipo de instalaĵo  | ||
| oficejo • filioficejo • instalaĵo | ||
Poŝtejo aŭ poŝtoficejo estas oficejo de papera poŝto, en kiu uzantoj de la poŝto povas fari diversajn operaciojn.
Kutime la uzantoj tie povas
- Aĉeti kovertojn, poŝtmarkojn, poŝtkartojn kaj aliajn aĵojn por uzadi la poŝton;
- Paki sendaĵojn;
- Sendi poŝtkartojn, leterojn, banderolojn;
- Mendi abonkestojn;
- Aboni ĵurnalojn kaj revuojn;
- Ricevi sendaĵojn "ĝis eldemando" kaj ĉiujn aliajn, se poŝtistoj ne alportis ilin laŭ la adreso;
- Sendi kaj ricevi rimesojn.
Ankaŭ tie fizike lokiĝas abonkestoj.
Ankaŭ tie estas ĉambroj, kie la poŝtistoj prilaboras la sendaĵojn. Ili mezuras pezon de la sendaĵoj, stampas ilin, algluas diversajn markojn kaj kartetojn, sigelvaksas kaj ekspedas ilin. Laŭbezone respektive laŭtradicie ekzistas ankaŭ specialaj, portempaj ekspedejo, ekz. advente/kristnaske poŝtejo Christkindl en Malsupra Aŭstrio.