Montserrat Caballé
| Montserrat Caballé | |
|---|---|
| |
| Persona informo | |
| Naskonomo | María de Montserrat Bibiana Concepción Caballé Folch |
| Aliaj nomoj | Montserrat Caballé |
| Naskiĝo | 12-an de aprilo 1933 en Barcelono |
| Morto | 6-an de oktobro 2018 (85-jaraĝa) en Barcelono |
| Mortokialo | infekta malsano 
|
| Tombo | Cementiri de Sant Andreu (mul)  , 7010
|
| Lingvoj | kataluna • hispana |
| Ŝtataneco | Hispanio
|
| Alma mater | Conservatori Superior de Música del Liceu (en)
|
Memorigilo 
| |
| Familio | |
| Edz(in)o | Bernabé Martí
|
| Infano | Montserrat Martí (en)
|
| Okupo | |
| Okupo | operkantisto kantisto diskografa artisto muzikisto
|
Maria de Montserrat Viviana Concepción CABALLÉ i FOLC (naskiĝis la 12-an de aprilo 1933 en Barcelono, mortis la 6-an de oktobro 2018 en Barcelono) estis kataluna kantistino de opero. Post 12 jaroj da studado en la Liceo de Barcelono ŝi ekkantis en la kompanio de Opero de Bazelo en 1956, kie ŝi premieris per la interpretado de Mimí en La Bohème. Ŝia repertuaro fariĝis pli ampleksa kaj en 1962 ŝi reiris al Barcelono kaj kantis en la Liceo. En 1964 ŝi edziniĝis al la tenoro Bernabé Martí.
Sed ŝia famo disvastiĝis post granda sukceso en 1965, kiam ŝi anstataŭis malsanan Marilyn Horne, en la versio de Lucrezia Borgia en la Carnegie Hall de Novjorko. Post tio la sukcesoj multiĝis.
Montserrat Caballé kantis pli ol okdek operajn rolojn, de la baroka opero ĝis verkoj de Giuseppe Verdi, Richard Wagner kaj Richard Strauss. Krome, ŝi ofte kantis hispanajn popolajn kantojn. Ŝi famiĝis en aliaj rondoj per la interpretado kun Freddie Mercury de la kanzono Barcelona, himno de la Olimpikaj Ludoj de 1992.
Ŝi estis tre aprezata pro la kvalito de sia voĉo, pura kaj potenca, pli ol pro siaj aktoraj kapabloj.