Maria Becker-Meisberger

Maria Becker-Meisberger
Persona informo
Naskiĝo	1-an de januaro 1925 (1925-01-01) en Marpingen
Morto	1-an de majo 1999 (1999-05-01) (74-jaraĝa) en Blieskastel
Lingvoj	Esperanto
Ŝtataneco	Germanio
Familio
Edz(in)o	Günther Becker
Okupo
Okupo	esperantisto (1956–) verkisto instruisto

Maria BECKER-MEISBERGER (naskiĝis la 8-an de decembro 1925, mortis la 1-an de majo 1999 en Blieskastel, Germanio), estis dumviva membro de UEA. Lerninte Esperanton en 1956, ŝi aktivis loke, i.a. kiel vicprezidanto de Sarlanda Esperanto-Ligo (1973-1974). Dum pli ol 10 jaroj ŝi verkis kuirrubrikon de MONATO, el kiu rezultis la libro Internacie kuiri (eldonita ĉe Flandra Esperanto-Ligo en 1990, diplomita de OSIEK en 1998 kaj dua eldono sekvis en 2000,). Ŝi germanigis (en 1993), kun la edzo Günther Becker, la monografion L'espéranto de Pierre Janton.

la kuirlibro Internacie kuiri, 1-a eldono de 1990

Internacie kuiri

Ŝi verkis la kuirlibron Internacie kuiri en Esperanto en 1990.

„ Ĉu la receptoj estas facile realigeblaj por eŭropanoj? Ĉu ĉiuj necesaj elementoj estas haveblaj ĉe ni? - Ho jes, ili estas facile realigeblaj por eŭropanoj. Unue, ĉar la plej multaj venis el Eŭropo kaj Ameriko. Due, ĉar la sendintoj aŭ mi mem donis variantojn se necesis. Kaj trie, ĉar en ĉiuj grandmagazenoj en okcidentaj landoj ekzistas sekcio por ekzotikaj nutraĵoj. Sed, mi devas konfesi, ke tri receptojn, verŝajne tre interesaj, el Ĉinio kaj Koreio, mi ne publikigis, ĉar mi ne kapablis kompreni la procedon de la kuirmetodo aŭ tute ne konas la bazajn materialojn, ekz. al mi tute ne konata fiŝo. - Apenaŭ oni volas kredi, ke tiom da receptoj vi mem elprovis hejme. Ĉu ili estas nur ‘oferto’, kiun vi proponas je la respondeco de aliaj homoj? - Escepte de la bujabeso mi elprovis ĉiujn kaj mia edzo kaj foje ankaŭ gastoj manĝis ilin senriske. Tute ne plaĉis al mi la ‘manioka torto’, farita laŭ mia maniero. Por doni al vi ideon kial mi okaze ne elprovas recepton, mi volas citi ekzemplon. En Monato 1990/1 ni publikigis italan specialaĵon, nomatan Napola sangokremaĵo. Temas pri dolĉa karnavala kremaĵo kun ĉokolado en kiun oni miksas porkan sangon. Kvankam mi manĝas budenon, mi ne kapablas labori per sango en la kuirejo. ” — en La Gazeto 77, junio 1998, p. 16, okaze de la diplomiĝo de OSIEK en 1998, intervjuo de Maria Becker-Meisberger

Eksteraj ligiloj

• la retejo Literaturland Saar mencias la esperantistajn aktivaĵojn, sed fokusigas kaj aparte laŭdas ŝian verkadon en la sarlanda dialekto de la germana
• kaj la retejo Saarland-Lese (signifo kaj "Sarlanda rikolto" kaj "Sarlando, legu!") punlikigas ekzemplan dialektan poemon de ŝi - "Weihnachde bei uus dehääm", 'kristnasko hejme ĉe ni'
• Libroj kaj aliaj dokumentoj de kaj pri Maria Becker-Meisberger en la Kolekto por Planlingvoj kaj Esperantomuzeo de la Aŭstria Nacia Biblioteko (germane)