Bryn Terfel

Bryn Terfel
Ganwyd	Bryn Terfel Jones  9 Tachwedd 1965  Gwynedd
Label recordio	Deutsche Grammophon
Dinasyddiaeth	Cymru
Alma mater	Ysgol Gerdd a Drama y Guildhall Ysgol Dyffryn Nantlle
Galwedigaeth	canwr opera, actor
Arddull	opera
Math o lais	bas-bariton
Priod	Hannah Stone
Gwobr/au	CBE, The Queen's Medal for Music, honorary doctor of the Royal College of Music, Marchog Faglor, Echo Klassik – Male Singer of the Year, Classic Brit Awards, Österreichischer Kammersänger, doethuriaeth er anrhydedd

Eisteddfod Môn 1992

Mae Syr Bryn Terfel (ganwyd 9 Tachwedd 1965) yn fariton ac yn ganwr opera byd-enwog. Fe'i ganwyd ym Mhant Glas, Gwynedd. Bu'n canu a chystadlu mewn eisteddfodau ers pan oedd yn ifanc iawn. Fe'i cysylltwyd ef yn fuan iawn yn ei yrfa gyda gwaith Mozart, yn enwedig Figaro a Leporello, ond ehangwyd ei repertwâr i gynnwys gwaith trymach o lawer megis gwaith Wagner.

Graddiodd o'r Ysgol Gerdd a Drama y Guildhall yn 1989, ac enillodd Wobr Lieder yng Nghystadleuaeth Canwr y Byd, Caerdydd yn 1989.

Ers hynny mae wedi canu prif rannau ym mhrif dai opera'r byd gyda chlod uchel. Bryn Terfel yw sefydlydd Gŵyl y Faenol, a gynhelir bob mis Awst ar Stâd y Faenol, ger Bangor.

Roedd hefyd yn un o'r Jonesiaid a dorrodd record y byd Jones Jones Jones am gasglu ynghyd y nifer fwyaf o bobl yn rhannu’r un cyfenw yn Stadiwm y Mileniwm yn 2006, gan fod yn un o 1,224 Jones a gymerodd rhan.

Cafodd Syr Bryn ei urddo’n farchog yn rhestr Anrhydeddau Blwyddyn Newydd Brenhines y Deyrnas Unedig ar 31 Rhagfyr 2016.

Cyd gyflwynodd Ysgoloriaeth yr Urdd Bryn Terfel gydag Urdd Gobaith Cymru rhwng 1999 a 2022. Daeth y Wobr i ben yn 2024. Yn 2025, cyhoeddodd yr Urdd ynghyd â Choleg Brenhinol Cerdd a Drama Cymru chwech gwobr newydd sbon i gystadleuwyr sy'n serennu ar lwyfan Eisteddfod Genedlaethol yr Urdd. Gwobr Bryn Terfel oedd y gwobr lleisiol.

Bywyd personol

Priododd Terfel yn briod a'i gariad o'i blentyndod, Lesley, yn 1987 ond gwahanodd y ddau yn 2013 gan ysgaru yn ddiweddarach. Mae ganddynt tri o fechgyn.

Cychwynnodd berthynas gyda'r delynores Hannah Stone yn 2014. Mae hi'n gyn-delynores swyddogol i Dywysog Siarl. Dyweddïodd y cwpl yn 2016 ac yn Mai 2017 ganwyd merch iddynt. Priododd y cwpl ar 26 Gorffennaf 2019 nghapel y Bedyddwyr, Caersalem Newydd yn Abertawe, tref enedigol Stone.

Repertwâr operatig

Dyma'r gwaith a'r cymeriadau mae Bryn wedi eu perfformio ar lwyfan

Cyfansoddwr	Opera	Cymeriad	Dyddiadau	Recordiwyd
Britten	Peter Grimes	Balstrode	1995	Naddo
Donizetti	L'elisir d'amore	Dulcamara	2001	Naddo
Gounod	Faust	Mephistopheles	2004	Naddo
Mozart	Così fan tutte	Guglielmo	1991	Naddo
Mozart	Don Giovanni	Masetto	1992	Do
Mozart	Don Giovanni	Leporello	1991	Do
Mozart	Don Giovanni	Don Giovanni	1999 –	Do
Mozart	Die Zauberflöte	Speaker	1991	Naddo
Mozart	Le nozze di Figaro	Figaro	1991 – 2007	Do
Offenbach	Les contes d'Hoffmann	Four male roles	2000	Naddo
Puccini	Gianni Schicchi	Gianni Schicchi	2007	Naddo
Puccini	Tosca	Scarpia	2006	Naddo
Puccini	Madama Butterfly	Sharpless	1996	Naddo
Richard Strauss	Die Frau ohne Schatten	Der Geisterbote	1992	Do
Richard Strauss	Salome	Jochanaan	1993	Do
Sondheim	Sweeney Todd	Sweeney Todd	2002 –	Naddo
Stravinsky	The Rake's Progress	Nick Shadow	1996 – 2000	Do
Stravinsky	Oedipus Rex	Creon	1992	Do
Verdi	Falstaff	Falstaff	1999 –	Do
Verdi	Falstaff	Ford	1993	Naddo
Wagner	Das Rheingold	Donner	1993	Naddo
Wagner	Das Rheingold	Wotan	2005 –	Naddo
Wagner	Die Walküre	Wotan	2005 –	Naddo
Wagner	Tannhäuser	Wolfram	1998	Naddo
Wagner	Der fliegende Holländer	Holländer	2006 –	Naddo

Disgyddiaeth

Prif: Rhestr o ganeuon a recordiwyd gan Bryn Terfel

• Something Wonderful (1996)
• We'll Keep a Welcome (2000)
• Some Enchanted Evening (2001)
• Bryn (2003)
• Simple Gifts (2005)
• Tutto Mozart (2006)
• First Love: Songs from the British Isles (2008)
• Carols and Christmas Songs (2010)
• Homeward Bound (gyda Chôr Tabernacl y Mormoniaid; Mormon Tabernacle Choir) (2013)