حکومەتی عێراق هەنگاو بەرەو ڕووبەڕووبوونەوەی گەندەڵی و پاراستنی دارایی گشتی دەنێت. لەم چوارچێوەیەدا، سەرۆکوەزیرانی عێراق بڕیاری دا بۆ پێکهێنانی ئەنجوومەنێکی باڵای تایبەت بە دەستپاکی و چاودێری. بە چڕی وردبینی لە سەرجەم ئەو پڕۆژە و گرێبەستانە دەکرێت، کە بڕیارە لە ئایندەدا جێبەجێ بکرێن.

ئيسرائيل قەڵاى شەقیف یان بیوفۆرتی لە باشووری لوبنان کۆنترۆڵکردەوە و ئاڵاکەى هەڵکرد، وەزيری بەرگریی ئيسرائيل دەڵێت، بە فەرمانی سەرۆکوەزيران ئۆپراسيۆنەکانيان لەو ناوچەيە فراوانتر کردووە،  کۆنترۆڵکردنی قەڵاکەش لەو چوارچێوەيەدا بووە.

بەپێی ڕاپۆرتێکی ڕۆژنامەی وۆڵ ستریت جۆرناڵ، ئەمریکا سەرکەوتوو بووە لە پەرەپێدانی تەکنەلۆجیایەکی زیرەک کە تێچووی خستنەخوارەوەی درۆنەکان لە ملیۆنان دۆلارەوە بۆ تەنیا چەند دۆلارێکی کەم کەمدەکاتەوە، بە جۆرێک دەتوانرێت درۆنێکی شاهیدی ئێرانی تەنیا بە تێچووی 11 دۆلار لەناو ببرێت.