Renault R40

Renault R40

doare karbed stourm

Iskevrennad eus	tank
Brezel	Eil Brezel-bed
Saver	Renault

 

 Eus Wikidata

An tank Renault R40 pe Char léger modèle 1935 R modifié 1939 a oa bet un tank troadegiezh skañv gall hag a oa bet implijet e penn-kentañ an Eil Brezel-bed, hag ur gwelladenn e oa eus ar Renault R35, hag alies e vez gwelet n'eo ket evel un tank anezhañ met evel un adstumm eus an R 35 nemetken.

Diorroadur

E fin ar bloavezhioù 1930, e oa bet kaset da benn meur a steuñv evit gwelaat an tank skañv troadegiezh Renault R35. Unan anezho a oa bet o klask ar reizhiad an astell-karr, met ouzhpenn bezañ difiziapl keñveriet gant ar stumm kozh, e oa displijus evit ar bourzhidi, ar pouezh a oa dasparzet fall. Ouzhpenn d'an holl kudennoù-se e oa techet da chom stanket war an douaroù blot. Meur a ziskoulm a oa bet kinniget, e-touez ar re-se e oa un overdrive, rodoù nevez, ur rod dieub er voest tizh, ha betek kemmañ ar biskoulennoù. Ne oa ket bet kavet diskoulm dedennus ebet.

En emgann

Savet e oa bet daou vatailhon tank nevez, savet ha gourdonet e oant bet evit bezañ harpet gant tankoù Hotchkiss evit sevel hanter brigadenn ar 4re DCR (pevare rann arme hobregonet an troadegiezh), an 40e Bataillon de Chars de Combat hag ar 48e BCC. E-kerzh Emgann Bro-C'hall adalek an 19 a viz Mae e oa bet lakaet evel enepargad da c'hortoz o vezañ dafaret a nebeut gant an R40 (30 ha 29) ha staget ouzh an 2e DCR. Diskouez a ra e oa miret kalz tankoù Renault evel harp. Marteze e oa bet lod R40 o stankañ ar c'holloù a oa bet e batailhonoù kosoc'h. Unan eus an daou batailhon tank eus an 10vet brigadenn marc'hegiezh hobregonet Polonat a oa o vezañ stummet e Bro-C'hall a oa dafaret gant 24 R40, met ar re-se d'an 31 a viz Mae a oa bet kaset d'ar 25 BCC. Goude-se e oa bet roet d'ar batailhon polonat 28 R40, ha trizek ouzhpenn d'an 19 a viz Even.

Hiziv-an-deiz ne chom ket mui tankoù R40.

Levrlennadur

• Pascal Danjou, 2005, Renault R35/R40, Embannadurioù Barbotin, Ballainvilliers
• Pierre Touzin, 1979, Les Véhicules Blindés Français, Embannadurioù E.P.A.