Laouenan troc'hanik

Laouenan troc'hanik‎

Ul laouenan troc'hanik

Enrollet e Bro-Skos

Kudenn ebet (LC)

Rummatadur filogenetek

Riezad :

Skourrad :

Kevrennad :

Urzhad :

Kerentiad :

Genad :

Troglodytes

Anv skiantel

Troglodytes troglodytes
(Linnaeus, 1758)

D'ar vevoniezh

e tenn ar pennad-mañ.

Al laouenan troc'hanik^[1] (liester : laouenaned troc'hanik)^[2], pe laouenan^[3] pe laouenanig^[3] hepmuiken, pe draouennig vihan^[4], zo brudet da vout unan eus evned bihanañ Breizh, met n'eo ket an hini bihanañ-holl avat.

Troglodytes troglodytes eo e anv skiantel, met anvet e voe Motacilla Troglodytes (kentanv) da gentañ-penn (e 1758)^[5] gant an naturour svedat Carl von Linné (1707-1778).

Doareoù pennañ

Dre fazi e vez soñjet a-wechoù eo al laouenan evn bihanañ hor bro. Daoust dezhañ bezañ munut (war-dro 10 g e bouez) eo brasoc'h ha ponneroc'h eget an dreolan kabell aour hag an dreolan kabell flamm.

Pa zeu koulz an embarañ e sav ar par betek 10 neizh war e diriad, tost ouzh an douar ha kuzhet mat. Ma teu a-benn da zesachañ ur barez eo-hi an hini a zibabo unan eus an neizhoù.

Ar par laouenan ne ziskouez ket bezañ gwall zedennet gant e bloged. Klask a ra kentoc'h desachañ ur barez all.

Uioù
Cuculus canorus canorus ha Troglodytes troglodytes

Boued

Bevañ a ra diwar amprevaned ha divellkeineged all dreist-holl^[6].

Annez hag isspesadoù

Bevañ a ra er c'hoadeier gleb hag er strouezhegi stank. Divroañ a ra al laouenaned a vev d'ar rannvedoù yenañ eus Eurazia hag eus Norzhamerika. Ar re all a chom er memes lec'h e-pad ar goañv.

Ar spesad a gaver an eizh isspesad warn-ugent^[7] anezhañ :

Troglodytes troglodytes borealis, en inizi Faero,* T. t. cypriotes, e Republik Kiprenez, eus kornôg ha kreisteiz Turkia da hanternoz Israel
T. t. dauricus, e gevred Siberia, biz Republik Pobl Sina, Korea ha Tsushima (mervent Japan)
T. t. fridariensis, e Fara (kreisteiz an inizi Shetland)
T. t. fumigatus, e kreisteiz Inizi Kouril, Sac'halin ha Japan
T. t. hebridensis, e Na h-Eileanan Siar nemet Hiort (er-maez da gornôg Bro-Skos)
T. t. hirtensis, e Hiort
T. t. hyrcanus, e Krimea, hanternoz Turkia, Kaokaz ha hanternoz, kornôg Iran
T. t. idius, e hanternoz-kreiz Republik Pobl Sina
T. t. indigenus, en Iwerzhon ha Breizh
T. t. islandicus, en Island
T. t. juniperi, e biz Libia
T. t. kabylorum, e gwalarn Afrika, Balearez ha kreisteiz Spagn
T. t. koenigi, Korsika ha Sardigna
T. t. kurilensis, e hanternoz Inizi Kouril
T. t. mosukei, en inizi Izu
T. t. magrathi, e gevred Afghanistan ha kornôg Pakistan

T. t. neglectus, e kornôg menezioù Himalaya
T. t. nipalensis, e kreiz ha reter menezioù Himalaya
T. t. ogawae, e Yakushima ha Tanegashima (er-maez da greisteiz Japan)
T. t. pallescens, e Ledenez Kamtchatka hag Inizi ar C'homandour
T. t. subpallidus, eus biz Iran da greisteiz Ouzbekistan ha gwalarn Afghanistan
T. t. szetschuanus, e kornôg-kreiz Republik Pobl Sina
T. t. taivanus, e Republik Sina
T. t. talifuensis, e kreisteiz Republik Pobl Sina ha biz Myanmar
T. t. tianschanicus, eus biz Afghanistan da menezioù kreiz Azia
T. t. troglodytes, el lodenn vrasañ eus kevandir Europa
T. t. zetlandicus, en inizi Shetland

Brezhoneg

Un anv-tiegezh eo Laouenan e Breizh.
"Seder evel ul laouenan(ig)" a vez lavaret.
Son al Laouenan, dastumet gant Fañch an Uhel, zo bet kanet ha sonenrollet gant Loeiz Roparz.

Liammoù diavaez

Commons

Muioc'h a restroù diwar-benn

Laouenan troc'hanik

a vo kavet e Wikimedia Commons.

Notennoù ha daveennoù

↑ Martial Ménard, Dictionnaire français-breton, Éditions Palantines, 2012, pajenn 1355b.
↑ Studiet gant TermOfis Ofis Publik ar Brezhoneg.
1 2 Pêrig Herbert, Anvioù laboused Europa, Hor Yezh niv. 206 p. 18
↑ Remon ar Porzh, Geriadur brezhoneg-saozneg, levrenn 2, p. 434, Mouladurioù Hor Yezh, 1989
↑ (en) AnimalBase.
↑ (en) Troglodytes troglodytes el lec'hienn HBW Alive: Handbook of the Birds of the World Alive.
↑ (en) Roadennoù IOC World Bird List diwar-benn Troglodytes troglodytes.

[1] Martial Ménard, Dictionnaire français-breton, Éditions Palantines, 2012, pajenn 1355b.

[2] Studiet gant TermOfis Ofis Publik ar Brezhoneg.

[PH-3] 1 2 Pêrig Herbert, Anvioù laboused Europa, Hor Yezh niv. 206 p. 18

[4] Remon ar Porzh, Geriadur brezhoneg-saozneg, levrenn 2, p. 434, Mouladurioù Hor Yezh, 1989

[5] (en) AnimalBase.

[6] (en) Troglodytes troglodytes el lec'hienn HBW Alive: Handbook of the Birds of the World Alive.

[7] (en) Roadennoù IOC World Bird List diwar-benn Troglodytes troglodytes.

[1]

[2]

[3]

[4]

[5]

[6]

[7]