Ar Redadeg

Ar Redadeg
Degouezh ar Redadeg e Plougerne (2018)
Krouidigezh	Miz Mae 2008
Padelezh	Mae 2008 - Bremañ
Doare	Aozadur digorvo
Ger-stur	Brezhoneg ha plijadur
Lec'h pennañ	Morzhell, Il-ha-Gwilen, Breizh
Bro	Breizh
Deiz-ha-bloaz	Miz Mae
Anvioù all	"Ar redadeg evit ar Brezhoneg" "Ar redadeg a di da di"
Lec'hienn internet	https://www.ar-redadeg.bzh/

Ar Redadeg zo ur redadeg a-eiladoù hir, war droad, noz-deiz e-pad meur a zevezh, aozet a-hed hag a-dreuz Breizh evit dastum arc'hant evit ar brezhoneg hag ar gallaoueg. Bep eil bloaz e vez aozet en deizioù kentañ a Vae. Aozet eo gant ar gevredigezh Ar Redadeg, diazezet e Morzhell, e Bro-Roazhon.

Aozet e oa bet ar Redadeg kentañ e 2008, gant Diwan, evit lidañ he 30 vloaz. Savet eo war batrom Korrika Euskal Herria a zo bet krouet e 1980 hag a vez redet bremañ bep eil vloaz. Eno e vez redet war-dro 2 300 km dre an holl vroioù euskarek (Euskadi ha Nafarroa e Spagn, hag Iparralde e Bro-C'hall).

Doare ar Redadeg

Ur redadeg a-eiladoù eo, war-dro 9 km a vez redet bep eurvezh. Pep kilometr a vez redet gant un den er penn a-raok o tougen ur vazh-test kizellet e koad, ha neb a gar war e lerc'h. Evit dougen ar vazh-test war-hed ur c'hilometr eo ret paeañ ur sammad, etre 100 ha 1000 euro hervez e statud (den prevez, strollegezh lec'hel, kevredigezh, politkour, embregerezh...). Er c'hêrioù hag er c'hêriadennoù treuzet e vez aozet un degemer d'an arvesterien ha d'ar rederien, predoù, sonadegoù.

Ar vazh-test

Ar vazh-test zo ur vazhig koad kizellet ha kinklet gant seizennoù, enni ur barzhoneg pe un destenn komz-plaen hag a vez lennet el lec'h-degouezh. Arouez ar brezhoneg douget a zorn da zorn (hag "a di da di" hervez al lugan pennañ) eo.

Hentadoù

Bep eil bloaz e cheñch hentad ar Redadeg, evel ar c'humunioù loc'hañ ha degouezhout. 600 km e rae ar Redadeg kentañ e 2008, hag ouzphenn 2 200 hiziv an deiz. Ar c'hilometroù implijet gant ar Redadeg zo anvet "kilometroù KMR" gant an aozadur : kilometroù teorikel int, kar n'int ket 1000 metr rik bep tro.

Bloaz	Deiziadoù	Niver a gilometroù teorikel	Loc'hañ	Degouezh
2008	30/04 - 03/05	600	Naoned	Karaez
2010	10/05 - 15/05	1200	Roazhon	Pondi
2012	12/05 - 19/05	1500	Brest	Douarnenez
2014	24/05 - 31/05	1500	Montroulez	Groñvel
2016	29/04 - 07/05	1700	Sant-Ervlan	Lokoal-Mendon
2018	04/05 - 12/05	1800	Kemper	Plougerne
2021	21/05 - 29/05	2020	Karaez	Gwengamp
2022	20/05 - 28/05	2022	Gwitreg	Gwened
2024	17/05 - 25/05	2222	Beg ar Raz	Montroulez
2026	08/05 - 16/05	2226	Lannuon	Naoned

Skeudennoù

• 
  Bulad-Pestivien, o prientiñ Redadeg 2008.
• 
  Redourion prest da adkregiñ e Plañvour, dirak ar greizenn Amzer Nevez, 2010.
• 
  Ar skrivagnerez Loeiza an Duigoù e Kerne, e 2014.

Kanaouennoù ofisiel

Galvet e vez arzourien da ginnig kanaouennoù. Unan ofisiel a vez dibabet evit pep Redadeg.

Bloaz	Titl	Arzour(ien)	Evezhiadenn
2008	Redadeg	EV	Kempennet e oa bet gant EV ur ganaouenn gozh, Redadeg (selaou war YouTube)
2010	Ar Redadeg	David Ar Gall / Skolaj Diwan Gwened	Selaou war Kaouenn.net
2012	Foeter Breizh	Dom Duff
2014	Alambadeg	Alambig Elektrik	Selaou war YouTube
2016	Huch 'ta ! Redadeg	Adaozik ha bugale Skolaj Diwan Gwened	Selaou war YouTube
2018	Betek an trec'h	Penn Salsardin	Selaou war YouTube
2020/1	Deus 'ta mignon	Lies	Selaou war YouTube
2022	Redadeg 2022	Enora de Parscau	Selaou war YouTube
2024	Redek a ran	Kaolila & El Maout	Selaou war YouTube
2026	Poent eo !	Plouz&Foen, Nolwenn Korbell	Selaou war YouTube

Gwelet ivez

• Redadeg 2008
• Redadeg 2010
• Redadeg 2012
• Redadeg 2014
• Redadeg 2016
• Redadeg 2018

Pennadoù kar

• En Euskal Herria : Korrika
• E Katalonia : Correllengua
• E Galiza : Correlingua
• En Iwerzhon : Rith
• E Kembre : Ras yr Iaith
• E Gwaskogn (Okitania) : La Passem

Liammoù diavaez

• Lec'hienn ofisiel ar Redadeg
• Klip savet e 2016, ennañ kalz tud vrudet, evit brudañ an darvoud