Capil ka isi

Islam

Babak interwiki
Tumatan Wikipidia Banjar, kindai pangatahuan

Islam (Arab: al-islām, الإسلام "basarah diri lawan/gasan Tuhan") ialah agama nang ma'imani satu Tuhan, yaitu Allah. Lawan labih matan satu sahapat miliar ikung urang pangikut saduniaan [1][2], maulah Islam jadi agama Nang pangganalnya kadua di dunia limbah agama karistin.[3] Islam baisi arti "panyarahan" atawa panyarahan diri sabukuan gasan Tuhan (Arab: الله, Allāh).[4] Pangikut ajaran Islam dipinandui lawan sambatan Muslim nang ba'arti "saurang nang tunduk lawan Tuhan"[5][6], atawa labih langkapnya ialah Muslimin bagi lalakian wan Muslimat bagi bibinian. Islam ma'ajarakan bahwa Allah manurunakan firman-Nya kayah/wadah manusia malalui para nabi wan rasul utusan-Nya, wan mayakini bujur-bujur bahwa Muhammad adalah nabi wan rasul pa ampihan nang diutus ka dunia ulih Allah.

Hari-Hari Panting

[babak | babak asal-mulanya]
  • 1 Muharram: Tahun hanyar Hijriyah
  • 12 Rabiul Awwal: Tahun lahir Nabi Muhammad Saw. atawa Bulan Mulud
  • 27 Rajab: Isra Mikraj
  • 1-29/30 Ramadan: Bulan Puasa
  • 1 Syawwal : Idul Fitri atawa Hari Raya Puasa

Ilmu nang Panting

[babak | babak asal-mulanya]
  • Ilmu Tauhid atawa ilmu katuhanan
  • Ilmu Fikih atawa ilmu syariat
  • Imu Tasawuf atawa ilmu hakikat

Islam wan Urang Banjar

[babak | babak asal-mulanya]

Islam wan urang banjar ngini kaya duit ricih. kada kawa dipisahkan. Islam ngitu urang banjar, urang banjar ngitu Muslim.[7] Islam sudah lawas jadi bagian buhan Banjar. Banyak ritual nang digawi buhan banjar ngitu dipangaruhi ulih Islam.[8] Ritual-ritual nang digawi buhan Banjar ini matan baranak hinggan mati ada bainguh Islam.[7] Pangaruh Islam nang ini disambat sudah matan bamulanya kasultanan Banjar.[9] Waktu ngitu Sultan Suriansyah nang jadi Sultan panambaian di Kasultanan sudah bamufakat lawan Kasultanan Demak sagan mambantu sidin. Sultan Suriansyah disambat bajanji bahawa Islam cagar dibariakan mendakwahakan Islam di tanah Banjar.[9]

Tuan guru biasa dipakai buhan Banjar sagan manyambat ulama.[8] Gawian ulama atawa tuan guru kada malajari agama haja. Buhan tuan guru jua jadi wadah buhan Banjar batakun soal gawian sahari-hari, nang kaya manajak tihang rumah, juduh sagan kawin, tanggal bagus sagan baantaran,[7] hingga mambari ngaran sagan anak.[10] Urang banjar biasanya maandak gambar tuan guru di rumah sagan maambil barakah.[11] Sabarataan nang masuk siklus hidup buhan Banjar baisi hubungan lawan ajaran Islam.

Sajarah Islam di tanah Banjar baisi bacakut papadan buhan Banjar.[12] Ahmad Fedyani Saifuddin suah manulisakan soal bacakut papadaan nang takait sual agama di tanah Banjar. Di buku sidin nang bajudul "Konflik dan Integrasi," dikisahakan sual bahual ajaran agama Islam antara buhan kaum Tuha wan kaum Muda.[12]

Dalam sajarahnya, Islam di buhan Banjar baisi istilah nang khas ialah Ilmu Sabuku.[13]

Rujukan

[babak | babak asal-mulanya]
  1. ↑ Islam Basics: About Islam and American Muslim Archived 2013-08-28 at the Wayback Machine, Council on American-Islamic Relations (CAIR), Copyright © 2007.
  2. ↑ Religions & Ethics: Islam at a glance, BBC - homepage, © MMVII.
  3. ↑ "Major Religions of the World—Ranked by Number of Adherents". Diarsipkan dari versi asli (HTML) tanggal 2010-01-29. Diakses tanggal 2007-07-03.
  4. ↑ "USC-MSA Compendium of Muslim Texts". Diarsipkan dari versi asli tanggal 2008-09-14. Diakses tanggal 2010-10-31.
  5. ↑ L. Gardet; J. Jomier "Islam".Encyclopaedia of Islam Online.Diakses pada 2007-05-02. 
  6. ↑ "Lane's lexicon" (PDF). Diakses tanggal 2007-07-03.
  7. 1 2 3 Daud, Alfani (1997). Islam dan masyarakat Banjar: diskropsi dan analisa kebudayaan Banjar (dalam bahasa Melayu). PT RajaGrafindo Persada.
  8. 1 2 Urang Banjar dan kebudayaannya (dalam bahasa Indonesia). Pemerintah Propinsi Kalimantan Selatan. 2007. ISBN 978-979-98892-1-8.
  9. 1 2 Hawkins, Mary (2000-01). "Becoming Banjar: Identity and ethnicity in South Kalimantan, Indonesia". The Asia Pacific Journal of Anthropology (dalam bahasa Inggris). 1 (1): 24–36. doi:10.1080/14442210010001705830. ISSN 1444-2213.
  10. ↑ DIA, Yayasan. "Babilangan, Budaya Perumusan Nama ala Orang Banjar". LADUNI.ID - Media Komunitas Muslim. Diakses tanggal 2026-02-08.
  11. ↑ "Islam Banjar dan Politik (2): Kesalehan Politisi dan Tuan Guru". Alif.ID - Berkeislamanan dalam Kebudayaan (dalam bahasa Inggris). Diakses tanggal 2026-02-08.
  12. 1 2 Saifuddin, Achmad Fedyani (1986). Konflik dan integrasi: perbedaan faham dalam agama Islam (dalam bahasa Indonesia). Rajawali. ISBN 978-979-421-033-8.
  13. ↑ "Ilmu Sabuku". LP2M (dalam bahasa Inggris). Diakses tanggal 2026-02-11.
Dijumput matan "https://bjn.wikipedia.org/w/index.php?title=Islam&oldid=108976"