Simon Jenko

Simon Jenko
Vida
Nacimientu	Podreča (en) , 27 d'ochobre de 1835
Nacionalidá	Imperiu austriacu
Muerte	Kranj, 18 d'ochobre de 1869 (33 años)
Familia
Hermanos/es	Ivan Jenko
Familia	ver Davorin Jenko (male cousin (en) );
Estudios
Llingües falaes	eslovenu
Oficiu
Oficiu	poeta, escritor, políticu
Astronauta

Simon Jenko (27 d'ochobre de 1835, Podreča ^(en) – 18 d'ochobre de 1869, Kranj) foi un poeta y escritor eslovenu.

Biografía

Asistió a les escueles públiques de Smeldnik y de Kranj. Aunque quixo asistir a la escuela secundaria en Llubliana, la posición financiera de la so familia nun-y lo permitió, polo qu'en 1847 empezó a realizar dicha educación secundaria en Rudolfswerth (güei Novo Mesto).

Sía comoquier, ente los años 1853 y 1855, asistió tamién a la secundaria en Llubliana, onde se reencontró con dellos amigos de la so anterior escuela de Kranj y xuntos fundaron un círculu lliterariu del que surdió un periódicu escolar illegal llamáu Vaje (Ejercicios, 1854-1855). Ente les publicaciones del periódicu taben tamién los poemes que Jenko escribiera mientres la so escolarización en Rudolfswerth.

En terminando la escuela secundaria en 1855, Jenko empezó a estudiar teoloxía en Klagenfurt, acordies col deséu de los sos padres. Sicasí, tres el so primer añu camudó los sos estudios y matriculóse na Universidá de Viena onde primero estudió Lletres clásiques, dempués Historia y darréu Derechu. Foi nesi periodu cuando s'axuntó colos compañeros de clase de la secundaria en Llubliana y restableció el círculu lliterariu.

Mientres un tiempu tuvo ganándose la vida trabayando como tutor priváu, hasta que nel otoño de 1863 tornó a Praše, onde vivíen los sos padres. N'agostu de 1866 empenzó a collaborar col abogáu Valentin Prevc y trabayó con él hasta la so muerte'l 18 d'ochobre de 1869 en Kranj.

Simon Jenko foi una figura central de la llírica eslovena nel periodu ente'l Romanticismu y el Realismu. La prosa de Jenko consiste de trés cuentos curtios y de dellos cuentos, de menor relevancia, que daten nos años de la secundaria.

Referencies

1 2 3 Afirmao en: autoridaes BNF. Identificador BnF: 124102884. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

Bibliografía

Bernik, France (1979) Simon Jenko.
Glušič, Helga (1996) Sto slovenskih pripovednikov. ISBN 961-6186-21-3.

Enllaces esternos

Ivan Grafenauer (1928). «Jenko, Simon (1835–1869)» (eslovenu). Consultáu'l 2.1.2026.
Lucijan Adam (4.11.2011). «Simon Jenko» (eslovenu). Obrazi slovenskih pokrajin. Consultáu'l 2.1.2026.
«Simon Jenko» (eslovenu). Ognjišče. Consultáu'l 2.1.2026.

[40ac1633f63e5628c3ee9b75a9551944d2bfcc10-1] 1 2 3 Afirmao en: autoridaes BNF. Identificador BnF: 124102884. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[1]