Turdus

*Turdus*
Turdus philomelos
Denominacions populars
tordas, tordos / chordos, charras / charlas, charros / charlos, arlos
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Passeriformes
Familia:	Turdidae
Chenero:	Turdus
Descripción
*Turdus* LINNAEUS, 1758

As tordas^[1] u tordos^[1]^{[nota 1]} (nombre cientifico Turdus), tamién ditas charras^[1]^{[nota 2]} u charros^[1]^{[nota 3]}, son un chenero d'aus en a orden Passeriformes y a familia Turdidae. As especies an que os masclos tienen una color de tot negra reciben o nombre popular de mierlas.

Descripción

As especies que fan parte d'o chenero Turdus son paixaros de selva, que viven en puestos con vechetación abundant y que i haiga árbols. Tienen colors marrons, grisas u negras, con a pancha mas clara en muitos casos y plena de piguetas de color.

Tipicament mesuran entre 20 y 30 centimetros de largaria, por entre 30 y 50 d'amplaria d'alas. Son buenas voladeras, pero por preferir habitats forestals se mueven a sobén brincando de branca en branca. De regular fan o niedo alto en os árbols, con branquetas y hierbas bien trenadas en o forcallo de dos ramas, u si no bien amagau entre una barda.

Son aus cantarigas, y fan cantos melodiosos y diversos. Bella especie arriba a imitar as vocalizacions d'atras aus y animals.

Alimentación

Os paixaros Turdus son omnivoros, anque prefieren os invertebraus como cucos, larvas d'insecto, arainas, miriapodos y muit especialment os limacos y os caragols. S'ha descrito que cualques especies de Turdus se sienten atraitas por as luminarias que fan as antenas d'os moluscos infectaus por un parasito.

Tamién minchan lulos, como bayas, y simients. Espontaniament se'n puede veyer picando en a fruita, en fruitos chicos como a ceresa, d'as que en pueden malmeter muitas.

Especies

Se veiga tamién

Notas

↑ Con a variant chordo.
↑ Con a variant charla.
↑ Con a variant charlo y arlo.

Referencias

1 2 3 4 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

Vinclos externos

Wikispecies tiene un articlo sobre Turdus.
Se veigan as imáchens de Commons sobre Turdus.

Datos: Q115661
Multimedia: Turdus / Q115661
Especies: Turdus

[2] Con a variant chordo.

[3] Con a variant charla.

[4] Con a variant charlo y arlo.

[DACC-1] 1 2 3 4 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[1]

[nota 1]

[nota 2]

[nota 3]