Martes foina

*Martes foina*
Fuina de papo blanco (Martes foina).
Denominacions populars
fuina de papo blanco / foina de papo blanco, fuyina de papo blanco, fuina parda / foina parda, fuyina parda
Estau de conservación
Pende de mesuras de conservación (IUCN)
Clasificación cientifica
Reino:	Animalia
Filo:	Chordata
Clase:	Mammalia
Orden:	Carnivora
Familia:	Mustelidae
Chenero:	Martes (chenero)
Especie:	M. foina
Descripción
Martes foina Erxleben, 1777
Distribución cheografica
Distribución d'a fuina de papo blanco.

A fuina de papo blanco^[1]^[2]^{[nota 1]} u fuina parda^[1]^{[nota 1]} (nombre cientifico Martes foina (Erxleben, 1777)) ye un mamifero carnivoro d'a familia d'os mustelidos, de pelo marron claret y coda de forma d'escoballo mas larga que no en as suyas parients as martas. Fa una mida arredol d'os 40 u 50 cm de cuerpo, fendo cuasi 1,5 Kg de peso, con una caracteristica taca blanca en o peito y a parte ventral d'o cuello, o «papo», mas extensa que no en altras especies d'o chenero.

En comparanza con as suyas parients arboricolas, as fuinas de papo blanco s'están a mayor parte d'os tiempos en o suelo, y a sobén viven no guaire luent d'os asentamientos humans, plegando dica a habitar foratos d'as casas, en as falsas y as bordas. Son istes os animals que mes a sobén se siente decir que s'escuelan adintro d'os galliners u conilleras y i fan cerinadas. En aragonés, cuan naide se refiere a un animal como fuina sin d'especificacions (color d'o papo), lo mas habitual ye que se siga parlando d'ista especie.

S'alimentan d'animals chicoz, uevos, muixons, ratos, invertebratos u fruita, pero una d'as cosas que mas a sobén se'n siente decir ye de que esgarrapan as arnas ta mirar-se-ie la miel, causando mal en as expleitacions apicolas domesticas.

Notas

1 2 Con as variants foina y fuyina.

Referencias

1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ (an) Rafel Vidaller Tricas: Lista patrón d'os nombres d'os mamifers terrestres ibericos en aragonés (II), Fuellas 251-252, Consello d'a Fabla Aragonesa, 2019, ISSN 1132-8452, pp. 19-24.

Vinclos externos

Wikispecies tiene un articlo sobre Martes foina.
Se veigan as imáchens de Commons sobre a fuina de papo blanco.

Datos: Q27366
Multimedia: Martes foina / Q27366
Especies: Martes foina

[variants-3] 1 2 Con as variants foina y fuyina.

[DACC-1] 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[2] (an) Rafel Vidaller Tricas: Lista patrón d'os nombres d'os mamifers terrestres ibericos en aragonés (II), Fuellas 251-252, Consello d'a Fabla Aragonesa, 2019, ISSN 1132-8452, pp. 19-24.

[1]

[2]

[nota 1]