Honolulu

	Honolulu
	Localidat d'Estaus Unius
	; Anvista aeria de Honolulu
País; • Estato; • Condau	Estaus Unius; Hawaii (capital); Honolulu (capital)
Superficie	272,12 km²
Población; • Total; • Densidat	; 371.657 hab. (2020); 1.365,78 hab/km²
Altaria; • Meyana	; 0 m.
Coordenadas	21°18’16’’N157°51’25’’U
	Honolulu Honolulu en Hawaii
	Honolulu Honolulu en Estaus Unius d'America
	Web oficial

Honolulu ye una ciudat estausunidense, en o estau de Hawaii (en ye a suya capital) y en o condau de Honolulu (tamién en ye a suya capital). Ye en o sector sud-este d'a isla d'Oahu.

A suya población yera de 371.657 habitants en l'anyo 2000 en una superficie de 272,12 km², con una densidat de población de 1.365,78 hab/km². Ye a ciudat con mayor numero d'habitants d'o estau de Hawaii.

Toponimia

En hawaiano, o nombre d'a ciudat significa badía protechida u lugar protechiu.

Historia

Ye fácil que en o lugar bi hese población dende o sieglo XII, seguntes os relatos d'os pueblos polinesios.

O primer europeu en plegar ta Honolulu estió o capitán britanico William Brown, en 1794.

Cuan Kamehameha I, o primer rei de Hawaii, conquerió en 1806 a isla d'Oahu dimpués d'a batalla de Nuuanu Pali, tresladó la suya cort a la localidat de Waikiki.

Dende 1845, a reina Kamehameha III de Hawaii cambió definitivament a capital d'o reino de Lahaina (en a isla de Maui) enta Honolulu, estando l'orichen d'o creiximiento d'a ciudat.

Dimpués de l'anexión de Hawaii por os Estaus Unius, Honolulu se convertió en una d'as prencipals bases militars estausunidenses en l'oceano Pacifico. Asinas, o 7 d'aviento de 1941 os chaponeses atacoron a base naval de Pearl Harbor (ataque a Pearl Harbor), feito que segnificó a dentrada d'os Estaus Unius en a Segunda Guerra Mundial.

Esporte

Lo clima de Honolulu ye muito favorable pa la realización d'actividaz esportivas a l'aire libre entre tot l'anyo. En l'anyo 2004, la revista Men's Fitness nombró a la ciudat como la mas esportiva de toz los Estaus Unius. ^[1]

Competicions esportivas

En Honolulu se celebran cuantas competicions con afluencias masivas tanto d'atletas como d'aficionaus y espectadors amás de tener una gran combertura mediatica, entre las que cal destacar:

-Lo Maratón de Honolulu ye una competición de atletismo que se celebra anyalment lo segundo domingo d'aviento dende l'anyo 1973 que atraye a mas de 20.000 participants cada anyo, mayoritatiament de esportistas procedents de Chapón.

-Lo Triatlón de Honolulu ye unatra competición que se celebra anyalment en o mes de mayo dende l'anyo 2004.

- Lo Ironman d'Hawaii se realiza dende 1978, estando lo primer triatón d'a historia que se celebró con as distancias de 3,86 km de natación en mar ubierto, 180 km de ciclismo y 42,2 km de cursa, estando en l'actualidat ye o mas prestichioso y solo se puede participar después de participar y clasificarse en atras pruebas, ye considerau como lo campionato de mundo de Ironman.