Electrodomestico

Un electrodomestico^[1] ye un aparato que funciona con electricidat y que aduya a fer de manera mas eficient as fainas d'a casa. Os electrodomesticos se dividen en tres linias:

Linia marrón: son aquels aparatos que tienen a veyer con l'audiovisual y sirven basicament pa l'ocio, como la televisión
Linia blanca: son os electrodomesticos que sirven ta lavar u bien se troban en a cocina, como a nevera u frigorifico, o fregavaixilla, o forno microondas, etc.
Linia grisa: son as ferramientas y maquinas relacionadas con a informatica, como l'ordinador personal y os suyos perifericos: impresora, etc.

Una atra clasificación para cuenta en a mida d'os aparatos, asinas bi ha:

Grans electrodomesticos, como a lavadera, o frigorifico, a ixugadera, o fregavaixilla.
Chicoz electrodomesticos, como a cafetera, a batedera, a licuadera, l'aspiradera, o ventilador, o robot de cocina, o molendor, a thermomix, etc.

Ta rematar, se pueden dividir os electrodomesticos seguntes o suyo uso, y asinas parlar de aparatos que aduyan a la limpieza personal (como a rasuradera, l'ixugador de pelo, o cepillo de dients electrico, etc.), os que s'emplegan ta fer a colada (a lavadora y a ixugadera), y aquels que sirven ta cocinar y atros.

Os aparatos destinaus a mantener a climatización d'a casa ocupan un atro grupo, como l'aire acondicionau, encara que os comercios gosan vender istos con os electrodomesticos de linia blanca.