Duel in the Sun (cinta)

Iste articlo ye sobre un western dramatico estausunidense estrenau l'anyo 1946; ta atros usos, se veiga Duel in the Sun.

Duel in the Sun
Títol	Duel in the Sun
Póster d'a cinta.
Ficha tecnica
Dirección	King Vidor
Dirección artistica	James Basevi
Producción	David O. Selznick
Disenyo de producción	J. McMillan Johnson
Guión adaptau	Oliver H. P. Garrett Ben Hecht
Basau en	Duel in the Sun, novela de Niven Busch (1944)
Musica	Dimitri Tiomkin
Soniu	Richard DeWeese James G. Stewart Charles L. Freeman
Fotografía	Lee Garmes Ray Rennahan Harold Rosson
Montache	John D. Faure Charles L. Freeman Hal Kern William H. Ziegler
Vestuario	Walter Plunkett
Maquillache	Norbert A. Myles Robert Stephanoff
Peluquería	Margaret Martin Gale McGarry
Efectos especials	Clarence Slifer Charles L. Freeman
Casting	Ruth Burch
Actors	Jennifer Jones Joseph Cotten Gregory Peck Lionel Barrymore Herbert Marshall Lillian Gish Walter Huston Charles Bickford Harry Carey Charles Dingle Sidney Blackmer Butterfly McQueen Otto Kruger Joan Tetzel Tilly Losch Scott McKay Hank Bell Bob McKenzie
Color	Technicolor
Narrador	Orson Welles
Datos y cifras
País(es)	Estaus Unius
Anyo	1946
Estreno	29 d'aviento de 1946 Los Angeles (California, Estaus Unius)
Chenero(s)	Cine de western Cine de drama
Durada	145 min.
Idioma(s)	Anglés
Companyías
Productora(s)	Vanguard Films
Distribución	Selznick Releasing Organization
Estudio(s)	Culver Studios
Presupuesto	6,48 millons de dólars
Recauto	20,4 millons de dólars
Informacions en bases de datos especializadas:

Duel in the Sun (títol orichinal en anglés, en aragonés Duelo a lo sol, estrenada en Aragón con o suyo títol traduciu enta lo castellano como Duelo al sol) ye una cinta de cine estausunidense de cine de western dramatico estrenada l'anyo 1946, dirichida por King Vidor seguntes un guión adaptau por Oliver H. P. Garrett y Ben Hecht (basau en Duel in the Sun, una novela escrita por Niven Busch publicada en 1944), con una banda sonora orichinal de Dimitri Tiomkin, una dirección de fotografía de Lee Garmes, Ray Rennahan y Harold Rosson y una producción cinematografica a lo cudiau de David O. Selznick ta la productora cinematografica Vanguard Films. Fan parte de l'elenco d'actors d'a cinta, entre d'atros, Jennifer Jones, Joseph Cotten, Gregory Peck, Lionel Barrymore, Herbert Marshall, Lillian Gish, Walter Huston, Charles Bickford, Harry Carey, Charles Dingle, Sidney Blackmer, Butterfly McQueen, Otto Kruger, Joan Tetzel, Tilly Losch, Scott McKay, Hank Bell y Bob McKenzie.

Scott Chavez, un texano que vive en Mexico, troba a su muller con un amant y l'asasina. Condenau a muerte, deixa una filla popiella, Pearl Chavez, a qui ninvía a lo cudiau de Laura Belle, a suya prima segunda y antiga novia, que vive en Texas casada con un cabalero ranchero y senador, Jackson McCanles, que ye en siella de ruedas. Cuan Perla plega enta Texas, la recibe muit amablement Jesse McCanles, un d'os dos fillos d'o senador y Laura Belle. Pero en plegar enta lo gran rancho a on i viven, "Spanish Bit", malas que la veye lo senador, vestida de mexicana y con a piel fosca, la tracta de "mestiza" y la fa de menos despectivament. Laura Belle tamién ye bien afable con Perla. Pero Lewt, o fillo mas chiven d'o matrimonio McCanles, ye bien diferent de su chirmano mayor, y bien luego prencipia a insinuar-se a la mesacha, que en primeras el refusa, dica que una nueit cede. O fillo mayor, Jesse, creye que lo futuro d'o rancho pasa porque lo ferrocarril plegue enta la redolada, y fa alianza con Langford, o chefe d'o ferrocarril, contrariando a su pai que ye radicalment en contra, y que lo fa fuera d'o rancho. Encara que Jesse ye enamorau de Perla, ha de marchar enta Austin, a on i prencipia una carrera politica y se fa novio de Helen Langford, a filla d'o chefe d'o ferrocarril. Cuan Perla veye que Lewt incumple la suya promesa de matrimonio, accepta la propuesta de matrimonio que li fa Sam Pierce, un hombre mayor que ella propietario d'un rancho amanau y que s'ha enamorau d'ella. Lewt provoca a Sam a un duelo y lo mata, tenendo que fuyir. Tanimientres, torna de cabo ta cuan enta lo rancho ta acosar a Perla, que l'odia y l'ama a la vegada. Cuan dicen a Jesse que su mai ye morindo-se, quiere veyer-la, pero cuan i plega enta lo rancho Laura Belle ya ha falleixiu y finalment Lewt lo provoca a un duelo, a on lo deixa feriu. Cuan se recupera, Helen convida a Perla a vivir con éls en Austin, pero cuan li dicen a la mesacha que Lewt la perseguirá tamién en Austin y mesmo matará a Jesse si la proteche, decide fer o posible ta evitar-lo.

A cinta s'ambienta en os anyos 1860, 1870 y 1880 en Mexico y en Austin y atros puestos en Texas en os Estaus Unius, y las suyas escenas se filmoron en Dragoon, Patagonia, Sonoita, Tucson, Tumacacori, Yuma y atros puestos d'Arizona y en Jamestown, Los Angeles, Simi Valley y atros puestos en California, amás d'en os Culver Studios en Culver City, tamién en California.

Ye una cinta que ha recibiu bels premios y nominacions, en destacando dos nominacions a los Premios Oscar (Millor Actriz y Millor Actriz Segundaria) en 1947 mientres a suya 19^ena edición d'os Premios.

Elenco

Actor	Papel	Notas
	'

Se veiga tamién

• Cine en 1946.
• Cintas de 1946.

Vinclos externos

• Se veigan as imáchens de Commons sobre Duel in the Sun.
• (en) Duel in the Sun en Internet Movie Database.
• (en) Duel in the Sun en TCM Movie Database.
• (en) Duel in the Sun en l'American Film Institute Catalog de l'American Film Institute.
• (en) Duel in the Sun en Rotten Tomatoes.

• Datos: Q1263918
• Multimedia: Duel in the Sun (film) / Q1263918