Cool Hand Luke

Iste articlo ye sobre una cinta estausunidense de cine de drama de garcholas de 1967; ta la novela en a cual se basa la cinta, se veiga Cool Hand Luke (novela).

Cool Hand Luke
Títol	Cool Hand Luke
Póster d'a cinta
Ficha tecnica
Dirección	Stuart Rosenberg
Aduyant de dirección	Hank Moonjean
Dirección artistica	Cary Odell
Producción	Gordon Carroll
Guión adaptau	Donn Pearce Frank R. Pierson
Basau en	Cool Hand Luke, novela de Donn Pearce (1965)
Musica	Lalo Schifrin
Soniu	Larry Jost
Fotografía	Conrad Hall
Montache	Sam O'Steen
Escenografía	Fred Price
Vestuario	Howard Shoup
Maquillache	Gordon Bau
Peluquería	Jean Burt Reilly
Actors	Paul Newman George Kennedy Strother Martin Jo Van Fleet Joy Harmon Morgan Woodward Luke Askew Robert Donner Clifton James John McLiam Andre Trottier Charles Tyner J. D. Cannon Lou Antonio Robert Drivas Marc Cavell Richard Davalos Warren Finnerty Dennis Hopper Wayne Rogers Harry Dean Stanton Ralph Waite Anthony Zerbe Buck Kartalian James Gammon Joe Don Baker
Color	Panavision Technicolor
Datos y cifras
País(es)	Estaus Unius
Anyo	1967
Estreno	1 de noviembre de 1967 Estaus Unius
Chenero(s)	Cine de drama Cine de garcholas
Durada	126 min.
Idioma(s)	Anglés
Companyías
Productora(s)	Jalem Productions
Distribución	Warner Bros.-Seven Arts
Estudio(s)	Warner Brothers Burbank Studios
Presupuesto	3,2 millons de dólars
Recauto	16,2 millons de dólars
Informacions en bases de datos especializadas:

Cool Hand Luke (títol orichinal en anglés, en aragonés Mano fría Luke, estrenada en Aragón con o títol en castellano de La leyenda del indomable, en aragonés A leyenda de l'indomable) ye una cinta de cine estausunidende de cine de drama de garcholas estrenada l'anyo 1967, dirichida por Stuart Rosenberg seguntes un guión adaptau por Donn Pearce y Frank R. Pierson (basau en a novela Cool Hand Luke, que heba publicau Donn Pearce l'anyo 1965), con una banda sonora orichinal de Lalo Schifrin, una dirección de fotografía de Conrad Hall, una producción cinematografica de Gordon Carroll ta la productora cinematografica Jalem Productions y un elenco d'o cual en fan parte, entre d'atros actors, Paul Newman, George Kennedy, Strother Martin, Jo Van Fleet, Joy Harmon, Morgan Woodward, Luke Askew, Robert Donner, Clifton James, John McLiam, Andre Trottier, Charles Tyner, J. D. Cannon, Lou Antonio, Robert Drivas, Marc Cavell, Richard Davalos, Warren Finnerty, Dennis Hopper, Wayne Rogers, Harry Dean Stanton, Ralph Waite, Anthony Zerbe, Buck Kartalian, James Gammon y Joe Don Baker.

Lucas "Luke" Jackson ye un veterano d'a Segunda Guerra Mundial que vive en Florida. Estando peluco, destruye bels parquimetros d'a suya ciudat y ye condenau a dos anyos de treballos forzaus en a garchola. A lo campo de presoneros-garchola a on lo ninvían se fa cumplir una estructa disciplina, con castigos duros y frecuents. Luke se niega a respectar l'orden cherarquico d'a garchola, y reta a Dragline a una baralla. Encara que clarament venciu, se niega reblar, dica que Dragline albandonagnando-se luke o respecto d'os presoneros. Poco dimpués, Luke consigue ganar una partida de poquer sin tener sisquiera la chugada mas baixa, follanquiando, y ixo li da encara mas popularidat, convertendo-se amás en amigo de Dragline. Dimpués de recibir a visita de su mai malauta, Arletta, encara se fa mas desafiant, y diz que puet minchar 50 uevos en una hora, consa que denguno no creye posible. Tanimientres, lo fa, con gran ganancia economica en apuestas de su amigo Dragline. Pero cuan li comunican que su mai ha muerto, creyendo que prebará de fuyir, o chefe d'a garchola lo zarra en una celda de castigo. Cuan lo deixa marchar, Luke ha decidiu fugar-se. Cuan lo capturan, li colovan grillez en os piez; tanimientres, consigue fuyir una segunda vegada, y ninvía a su amigo Dragline un paquet de revistas a on ha incluyiu una fotografía d'él con cuantas mullers. Cua lo tornan a capturar, li tornan a colocar dos pas de grillez en os piez y li advierten que, de tornar-se a fugar, el matarán. Amás, prencipian un autentico programa de maltractos y abusos contra él, dica que pareoxe que s'ha sosmeso a las normas. Atamas d'ico, Luke torna a figar-se con un cambión y Dragline puya en o cambión cuan pasa a lo suyo vanto, fugando-se toz dos, encara que Luke sabe que ixo li puet costar a vida.

A cinta s'ambienta en os anyos 1950 en Florida, y las suyas escenas se filmoron en Jacksonville y Tavares (Florida) y Lodi y Stockton y atros puestos de California, amás d'en os Warner Brothers Burbank Studios en Burbank, tamién en California-

Se tracta d'una cinta que ha recibiu cuantos premios y nominacions, en destacando un Premio Oscar a lo Millor Actor Segundario y atras tres nominacions (Millor Actor, Millor Guión Adaptau y Millor Banda Sonora Orichinal) en 1968 mientres a 40^ena edición d'os Premios Oscar; y dos nominacions a los Premios Globos d'Oro (Millor Actor Dramatico y Millor Actor Segundario) ixe mesmo anyo en a 25^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1967.
• Cintas de 1967.

Vinclos externos

• Se veigan as imáchens de Commons sobre Cool Hand Luke``.
• (en) Cool Hand Luke en Internet Movie Database.
• (en) Cool Hand Luke en TCM Movie Database.
• (en) Cool Hand Luke en l'American Film Institute Catalog de l'American Film Institute.

• Datos: Q684150
• Multimedia: Cool Hand Luke / Q684150