Al-Qaeda
_in_the_word_Allah.svg){kind=small}
al-Qaeda (القاعدة, al-Qā‘ida; en aragonés A Base, O Fundamento) ye una organización terrorista chihadista que refirma actividaz d'extremistas islamicos partidarios d'o fundamentalismo islamico arredol d'o mundo con a finalidat de crear un orden mundial a traviés d'a alchihad y establir la Sharia como la prencipal fuent de lechislación. Los ideologos d'Al Qaeda preveyen la eliminación violenta de totas las influencias extrancheras y secularistas en os países de relichión musulmana, que denuncian como desviacions corruptas. O suyo fundador, ex líder y ex mayor colaborador estió Osama bin Laden, dimpués la lideró Ayman al-Zawahiri y posteriorment cuan iste morió le succedió Saif al-Adel.
A suya estructura organizativa tien como alacez as celulas de militants y rez de contactos clandestins, muit pareixida a lo modus operandi d'os cartels de narcotraficants, li ha dau una muito ampla movilidat d'acción y una gran dificultat ta desarticular-la.
Los combatents d'Al-Qaeda gosan emplegar tacticas como ataques suicidas que consisten en bombardeos de suicidas que actuán de forma simultania sobre cuantos obchectivos en zonas de combate. Tamién utilizan estas tacticas pa realizar ataques terroristas sobre obchectivos fisicos u pa matar personas de modo masivo y simultanio. En zagueras debant d'a dificultat de preparar este tipo d'ataques en países de occidente han optau per lo que se gosa clamar ataque de lobos solitarios, que consiste en personas radicalizadas, a vegadas naixius d'o mesmo lugar a on fan el ataque y que de forma individual utilizan cosetas cutianas pa matar como cutiellos, autos u furgonetas, ocasionando lo mayor numero de baixas posibles en poco tiempo.
Bibliografía
[editar | modificar o codigo]- Dempsey, John: “Al qaida ante el Derecho Internacional”. Madrid: Ministerio de Defensa, 2018.
- Valenzuela, Javier: España en el punto de mira. La amenaza del integrismo islámico. Madrid: Temas de Hoy, 2002.
- “El terrorismo yihadista en España: evolución después del 11-M”.
Vinclos externos
[editar | modificar o codigo]
| Control d'autoridaz |
|
|---|
